POP 5

Lajmet më të lexuara të 5 minutave të fundit

Kultura

Dhimitër Pojanaku fiton çmimin
special  “Poezia e popujve” në Itali

Poezia e poetit shqiptar, Dhimitër Pojanaku, ka tërhequr vëmendjen e jurisë italiane në një nga konkurset ndërkombëtare. Në këtë konkurrim poeti nga Shqipëria, Dhimitër Pojanaku mori pjesë me poezine “Përsëri për nënën”, përkthyer nga poeti Aleksandër Shallvari.
Dhimitër Pojanaku fiton çmimin<br />special  “Poezia e popujve” në Itali
TIRANE- Poezia e poetit shqiptar, Dhimitër Pojanaku, ka tërhequr vëmendjen e jurisë italiane në një nga konkurset ndërkombëtare. Në edicionin e 24-të të çmimit ndërkombëtar “Centro Giovani e Poesia-Triuggio”, Milano, Itali, morën pjesë 548 autorë me 548 krijimtari, nga të cilët 237 autorë ishin të huaj nga vende si Bullgaria, Rumania, Moldavia, Gjermania, Polonia, Croacia, Shqipëria, Ukraina, Maroku, Algjeria, Holanda, Irlanda, Argjentina, Egjipti, Columbia, Gran Bretagna, Greqia, Franca, Tunizia e Kili.

Në këtë konkurrim poeti nga Shqipëria, Dhimitër Pojanaku mori pjesë me poezine “Përsëri për nënën”, përkthyer nga poeti Aleksandër Shallvari. Juria i akordoi Pojanakut çmimin special “Poezia e Popujve”, që jepet për autorët më të mirë të huaj!

Presidenti i jurisë së këtij cmimi është Alessandro Villa. “Është një çmim suprizë, - ka deklaruar Pojanaku, -nuk e kisha menduar, se nuk pasqyrohej që në fillimet e konkurrimit. Kam konkurruar për disa vite në këtë konkurs, sepse më pëlqen. Ne garën e këtyre çmimeve mblidhen fitues të të gjitha moshave. Është bukur. Kjo tregon qartë se poezia “nuk ka moshe”, edhe pse kam konkurruar në seksionin e të rriturve, pra isha në garë mbi 18 vjeç e “pambarim” moshe”.
 
Poezia fituese
 
Përsëri për nënën
 
Të panë mbrëmë tek pragu i shtëpise, Nënë,
Më thanë.
Të përmendi dhimbja ime?
Kjo, e reja?
Më hidhtakja ndër shoqe?
Të erdhi në fjetore,
Në shtretërit kuti-kuti,
T`i shpluhurosi lehtë supet,
Mos të pickoi në mishin prej dheri,
Mos të gërvishti me thonjtë mace në kockat e bardha,
Të la vraga?!
Të lëndoi kërciret?
 
Apo,
Mos e thirre ti, Nënë, dhimbjen time?
Atë ,më të renë?
Atë, flamën?
Gjuhë nepërkën?
 
E prite ngritur?
E thirre të përdridhte belin për të hutuar rojat,
E ti’a mbathnit tok,
Për pak orë?!
 
Të panë tek mbaje dhimbjen time përkrahu,Nënë!
 
I ratë rrotull shtëpisë,
Pëshpërisnit vesh më vesh,
Ndërruat mendje,
Ikët në majë të gishtave,
E të dyja,
Qeshnit rrugicave.
Më thanë!


Shkrimi u botua në Shqiptarja.com (print) në 8 Prill 2015

Redaksia Online
(d.a/shqiptarja.com)

  • Sondazhi i ditës:

    Marrëveshje në Ohër, po shkojnë Kosova e Serbia drejt pajtimit përfundimtar?

Lajme të tjera



×

Lajmi i fundit

Ishin duke shkuar për në Kishën e Laçit, drejtuesja humb kontrollin e mjetit dhe përfundon në përrua! Shpëtojnë mrekullisht dy të rejat

Ishin duke shkuar për në Kishën e Laçit, drejtuesja humb kontrollin e mjetit dhe përfundon në përrua! Shpëtojnë mrekullisht dy të rejat

20 Mars, 11:41