POP 5

Lajmet më të lexuara të 5 minutave të fundit

Ekonomi

Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore

Dhoma Amerikane e Tregtisë i sugjeron qeverisë që luftën ndaj informalitetit dhe nëndeklarimit të pagave mos ta bëjë me fushata të përkohshme por me një politikë të studiuar gjithë vjetore. Në rekomandimet e dhëna për Strategjinë e të Ardhurave ata sugjerojnë që të hiqen përjashtimet tatimore për biznese të ndryshme, të rishikohet tatimi mbi pagat si dhe të ulet TVSH-ja për produktet e shportës.

Ekonomia informale nuk luftohet vetëm me fushata e aksione periodike. Ky është gjykimi i Dhomës Amerikane të Tregtisë, e cila i sugjeron Ministrisë së Financave të hartojë një politikë kundër informalitetit, që të zbatohet gjithë kohës.

“Synime të tilla si: “Zvogëlimi i hendekut të pajtueshmërisë së TVSH”; “Zvogëlimi i shmangies tatimore”; “Reduktimi i punës së padeklaruar” kanë qenë objektiv i qeverisë në vite por deri tani nuk kanë rezultuar shumë efektive”, thuhet në opinionin e AMCHAM.

Duke u fokusuar tek goditja e nëndeklarimit të pagave, sugjerohet që brenda këtij viti të rritet pragu i pagave të patatueshme që aktualisht është deri në 40 mijë lekë, si dhe të ndryshojnë fashat e pagave që tatohen me 13% dhe 23%.

Biznesi amerikan rekomandimet i ka bërë për Strategjinë Afatmesme të të ardhurave 2024-2027, ku theksohen se ulja e informalitetit do të arrihet vetëm nëse përmirësohet administrimi tatimor, dhe eliminohen përjashtimet në taksa të bëra për kategori të caktuara.

“Sektorët prioritarë do të duhet të mbështeten qartësisht përmes transfertave direkte nga buxheti, në mënyrë që të jenë më të lehta për t’u monitoruar, ndërkohë që eliminimi i përjashtimeve nga pagimi i taksave, nuk cenon integritetin e sistemit tatimor”, thonë ata.

Tjetër rekomandim është edhe ngritja e një skeme tatimi mbi të ardhurat të bizneseve të vogla e bazuar jo në xhiro por në fitim. Aktualisht janë të përjashtuar nga tatimi bizneset me xhiro deri në 10 milionë lekë, dhe nga tatimi mbi fitimin ata që kanë xhiro deri në 14 milionë lekë. Lehtësi kjo që do të zgjasë deri në 2029-ën.

“Duke i mbetur filozofisë se kush fiton (jo qarkullon) më shumë paguan më shumë, klasifikimi i biznesit të bëhet në bazë të fitimit. Kjo e shoqëruar me lehtësim të raportimit/ dokumentimit për bizneset me xhiro të vogël. Duke u tatuar fitimi dhe jo xhiro do të ketë efekt edhe në kërkesën më të madhe për të dokumentuar lëvizjet e mallrave dhe uljen e presionit për të fshehur të ardhurat/qarkullimin”, thuhet në rekomandim.

Sa i takon rishikimit të përjashtimeve nga TVSH-ja dhe lehtësive që mund të bëhen përmes këtij tatimi, biznesi amerikan sugjeron që të ulet norma tatimore e TVSH-së për produktet e shportës që aktualisht është 20%.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vili: 28/10/2024 17:12

    O QIVERITAR hapni sytë dëgjoni se ëfar thonë.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

E përditshmja britanike 'Express': Shqipëria ndër vendet më të mira për të shkuar me pushime në 2025

E përditshmja britanike 'Express': Shqipëria ndër vendet më të mira për të shkuar me pushime në 2025

25 Dhjetor, 09:52