Derbi i Stambollit është ndërprerë pasi tifozët kanë pushtuar fushën duke mos lejuar përfundimin.

Në minutën e 93 të takimit Beshiktash-Gallatasaraj, tifozët e Beshiktashit hynë në fushën e lojës duke detyruar arbitrat dhe lojtarët e të dyja skuadrave të hyjnë në dhomat e zhveshjes.

Policia ka përdorur gazin lotsjellës për të shpërndarë tifozët. Ndeshja u ndërpre në rezultatin 2-1 për miqtë.

Tashmë duhet pritur vendimi i gjykatësit sportiv mbi rezultatin final.

Pas avantazhit të vendasve me Hugo Almeida, skuadra e Terim përmbysi rezultatin me dy gola të Drogba.