POP 5

Lajmet më të lexuara të 5 minutave të fundit

Sport

“Dhuna me skenar nga klubi i Tiranës”, presidenti i Vllaznisë vajzave: Na goditi edhe mjeku i kryeqytetasve

Matija ka dhënë versionin e tij për ngjarjen, teksa më herët Vllaznia ka mbajtur edhe një reagim në rrjetet sociale.

Presidenti i klubit të Vllaznisë për vajza, Lazër Matija, ka folur sot për mediat për dhunën e së shtunës në ndeshjen kundër Tiranës, të zhvilluar në kompleksin ‘Skënder Halili’ dhe të ndërprerë në pjesën e parë.

Matija akuzon se dhuna ka qenë një skenar i përgatitur nga klubi i Tiranës dhe shton se kanë reguar vetëm për vetëmbrojtje. Pavarësisht asaj që ndodhi, presidenti i klubit shkodran, shton se tifozët nuk duhet të ndikohen nga kjo ngjarje, duke patur parasysh se në të kaluarën mbështetësit e dy klubeve janë përplasur ashpër.

“Nuk e kam parë ndonjeherë të luajmë kundër Tiranës dhe të mos kemi present policinë. Atë ditë aty nuk ka patur polici, forca rendi dhe na lind e drejta jonë, edhe të aludojmë se aty ka patur skenar. Në kushtet e vetëmbrojtjes jemi detyrur të reagojmë për veten dhe ekipin. Numri i madh I civilëve të përfshirë në atë sherr, aq më tepër edhe njerëz të përgatitur, duke përfshirë këtu stafin e Tiranës në përjashtim të trajnerit Alpin Gallo, është dalluar edhe doktorri i klubit, që është e papranueshme. Madje edhe punëtorët e fushës, të cilët po largonin ujin, kanë ardhur më pas në ndihmë të stafit. Unë i bëj thirrje tifozëve të Tiranës, por edhe të Shkodrës të mos ndikohen nga kjo ngjarje, pasi nuk ka ardhur nga tifozët e Tiranës dhe as nuk inspirohet nga tifozët e Shkodrës,”-u shpreh Matija.

Për këtë ngjarje të rëndë palët kanë dhënë dëshmitë e tyre në polici, ndërsa një vendim do ta japë edhe komisioni i disiplinës në FSHF.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15