Dhuna ndaj gazetarit Drishti, AMA: Alarm për lirinë e medieve, hetim të thelluar

Autoriteti i Mediave Audiovizive, AMA, ka reaguar pas dhunës së ushtruar ndaj gazetarit Ismet Drishti nga një grup të rinjsh. AMA dënon me forcë dhunën ndaj gazetarit dhe drejtuesit të televizionit ‘Zjarr Tv’, ndërsa kërkon një hetim të thelluar për kapjen e autorëve.

Më tej, AMA sqaron se dhuna ndaj Drishtit përbën alarm për lirinë e medieve në Shqipëri, duke shtuar se ky është sulmi i dytë që kryhet ndaj ‘Zjarr Tv’ dhe drejtuesit të saj.

"Autoriteti i Mediave Audiovizive, AMA dënon me forcë dhunën ndaj gazetarit dhe drejtuesit të Televizonit “Zjarr TV” Ismet Drishti. AMA u kërkon autoriteteve përkatëse që të kryhet një hetim i thelluar për gjetjen e autorëve të ushtrimit të dhunës, që ka sjellë dëmtimin fizik  të Z. Drishti, por dhe që përbën alarm për lirinë e medias në Shqipëri.

Ky është sulmi i dytë që kryhet ndaj “Zjarr TV” dhe drejtuesit të saj. Pak ditë më parë u dhunuan ambientet e këtij  televizioni dhe pajisje të shumta u dëmtuan ose u vodhën nga persona ende të pazbuluar nga policia.

LEXO EDHE:
Dhunohet fizikisht punonjësi i AMA-s, reagon Krasniqi: Shkelësit do të marrin dënimin sipas ligjit

AMA apelon fuqishëm ndaj autoriteteve përgjegjëse të sigurisë në vend që të bëjnë të gjitha përpjekjet që ata që kanë ushtruar dhunë ndaj gazetarit Ismet Drishti të përballen me ligjin, si një garanci për krijimin e  një mjedisi më të sigurtë për lirinë e medias dhe për të gjithë gazetarët"

deklarata e AMA-s

TAG:
• ismet drishti
• Autoriteti i Mediave Audiovizive

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  69.9%

• Jo

  19.8%

• Ndoshta

  10.4%

Vota total: 415

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta