POP 5

Lajmet më të lexuara të 5 minutave të fundit

Sociale

Dhuna në familje, shtyhet diskutimi i draftit! Vokshi: Mungesa e relatores shkel rregulloren në Kuvend! Projektligji: Të krijohet komisioneri për mbrojtje nga dhuna

Projektligji që synon minimizimin e dhunës në familje dhe propozon ngritjen e një Komisioneri, por edhe trajnimin e detyrueshëm të personave që trajtojnë viktimat, u shty nga Komisioni për Punën, Çështjet Sociale dhe Shëndetësisë, për shkak se opozita kërkoi praninë e deputetes propozuese, Lindita Nikolla e cila është dhe relatore

Me qëllim minimizimin e dhunës në familje, e cila vijon të mbetet sfidë në vendin tonë, Lindita Nikolla, në cilësinë e deputetes, ka propozuar një projektligj me disa shtesa dhe ndryshime në ligjin aktual.

Parashikohet që mes autoriteteve përgjegjëse të përcaktuara më parë, të ngrihet edhe institucion i Komisionerit për mbrojtjen nga dhuna me bazë gjinore dhe dhuna në marrëdhëniet familjare, i cili parashikohet të rregullohet dhe funksionojë me ligj të veçantë.

Projektligji propozon gjithashtu edhe trajnime të vazhdueshme të detyrueshme për të gjithë personat që trajtojnë viktimat e dhunës, si dhe hartimin dhe përditësimin e regjistrit te personave te trajnuar.

Në projektligj, për të garantuar sigurinë dhe mbrojtjen në çdo kohë të viktimave të dhunës në familje, është hartuar dhe një dispozitë e posaçme e cila parashikon marrjen e masave që viktima të pyetet nga personi i të njëjtës gjini dhe në prani të psikologes.  

Por ky projektligj që ishte parashikuar që të diskutohej në Komisionin për Punën, Çështjet Sociale dhe Shëndetësinë, u shty për shkak të mungesës së Nikollës. Kjo solli edhe debate mes mazhorancës dhe opozitës.

“Nuk e hedh dot në votim është shkelje rregullorje. Harrojeni Skandali i kryeministrit tuaj me Manigal ju ka shqetësuar të gjithëve, nuk e mbuloni dot”, tha Albana Vokshi.

“O ju jeni shkatërruar nga koka tek këmbët. Ju lutem zonja Vokshi”, i përgjigjet kryetarja e komisionit për Punën, Çështjet Sociale dhe Shëndetësinë.

Lindita Nikolla mungoi në komision për shkak të gjendjes shëndetësore, ndërsa pritet që në ditët në vijim ky projektligj të kalojë nëpër komisionet e Kuvendit

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce