Presidenti Ilir Meta ka reaguar pas incidenteve dhe dhunës në protestën e opozitës para parlamentit të Shqipërisë në protestën e sotme. Presidenca thekson se kreu i shtetit po e ndjek me shqetësim situatën, ndërsa bën apel për ruajtje të qetësisë dhe shmangie të konfrontimeve.

"Presidenti i Republikës është duke ndjekur me shqetësim situatën. Ai bën thirrje për demonstrim paqësor dhe ruajtje të qetësisë. Ai u kërkon të gjithëve të evitojnë konfrontimet dhe të qëndrojnë larg provokimeve" thuhet në njoftimin e Presidencës.

Opozita e nisi protestën e sotme përpara Kryeministrisë, ndërsa më pas ndryshoi strategjinë duke u zhvendosur drejt parlamentit ku u regjistruan incidentet dhe dhuna, pasi simpatizantët e PD-së dhe LSI-së çanë kordonin duke sjellë ndërhyrjen e policisë me gaz lotsjellës për t'i larguar (lexo ketu).