Dhunimi dhe grabitja e familjes në Klos, deputetja  e PD-së: Prokuroria të zbardhë ngjarjen

Deputetja e Partisë Demokratike Dhurata Çupi ka reaguar pas ngjarjes së rëndë që ndodhi në Klos, ku familja Lleshi u dhunua e më pas u grabit. Çupi i kërkon prokurorisë dhe policisë që të zbardhet ngjarja.

‘Ngjarja e rëndë kriminale e grabitjes dhe dhunimit të familjes Lleshi, në fshatin Dom, Klos ka prekur të gjithë banorët e kësaj zone. Siç edhe e deklarojnë banorët e fshatit , familja Lleshi  njihet si familje punëtore, e ndershme e paqtë. 

LEXO EDHE:
VIDEO/ Grushta mes gjimnazistëve në Bulqizë, kampionati i volejbollit përfundon me rrahje masive! Policia i shoqëron në polici

Si deputete e tyre, në qarkun Dibër, kêrkoj  Policisë së Shtetit dhe Prokurorisë së Rrethit Dibër të zbardhin menjëherë ngjarjen që ka tronditur komunitetin fisnik të Klosit. Vonesa në zbardhjen e ngjarjes janë rënduese për drejtorinë  vendore të qarkut Dibër.

Gjendja e pasigurisë në vend është e papranueshme . Jeta e qytetarëve duhet  të jetë e barabartë, e sigurtë dhe me vlerë, si në Tiranë, Vlorë dhe Dibër.’- shkruan Çupi.

Lajmi kryesor:

Pesë persona të armatosur e të maskuar grabisin një shtëpi në Klos, autorët lidhën nënë e bir dhe i dhunuan! Marrin 8 mijë euro e sende me vlerë

M.Q./Shqiptarja.com

TAG:
• Klos
• Diber
• grabitje
• perparim lleshi