POP 5

Lajmet më të lexuara të 5 minutave të fundit

Kronikë

Dhunimi i biznesmenit nga Policia
SHÇB: U rrëzua gjatë ndjekjes

Shërbimi i Çështjeve të Brendshme pranë Ministrisë së Brendshme ka sqaruar lidhur me akuzat për dhunë ndaj qytetarëve nga Policia e Shtetit. Pronari i një rrjeti picerish në Tiranë, Altin Bamllari akuzoi sot Policinë se ai dhe djali i tij ishin dhunuar fizikisht. Ndërkohë, SHÇB sqaron se ka filluar procedimin penal për "Mosbindje të punonjësve të policisë" në ngarkim të A.B., 46 vjeç, banues në Tiranë si dhe djalit të tij, A. B., 22 vjeç, banues në Tiranë. 
Shërbimi i Çështjeve të Brendshme pranë Ministrisë së Brendshme ka sqaruar lidhur me akuzat për dhunë ndaj qytetarëve nga Policia e Shtetit. Pronari i një rrjeti picerie në Tiranë, Altin Bamllari akuzoi sot Policinë se ai dhe djali i tij ishin dhunuar fizikisht. Ndërkohë, SHÇB sqaron se ka filluar procedimin penal për "Mosbindje të punonjësve të policisë" në ngarkim të A.B., 46 vjeç, banues në Tiranë si dhe djalit të tij, A. B., 22 vjeç, banues në Tiranë. 

Sipas policisë, këta dy shtetas në datën 26.06.2016, rreth orës 00.30 minuta në Bulevardin "Bajram Curri", duke udhëtuar me mjetin me targë TR3884 U, nuk i janë bindur shërbimeve të Komisariatit të Policisë Rrugore për të çuar mjetin në pikën e bllokimit, për shkak se nuk ishte shlyer gjoba prej 15 mijë lekë të reja.

"Masa administrative e pashlyer prej afro 1 viti, ishte në vlerën 15.000 L (të reja) për mungesë siguracioni dhe sipas Kodit Rrugor automjeti duhet të bllokohet në pikë bllokimi deri në përfundim të procedurave. Pas kundërshtimit të urdhërit për shoqërim të dhënë nga punonjësit e policisë, këta shtetas kanë braktisur makinën përballë ambasadës ruse dhe janë larguar me vrap në drejtim të Piramidës", thuhet në deklaratën e SHÇB. 

Policia hedh dritë edhe mbi pretendimet e Altin Bamllarit se ai dhe djali i tij janë dhunuar fizikisht. "Gjatë ndjekjes nga forcat e policisë, shtetasi A.B. është rrëzuar dhe ka pësuar dëmtime të lehta. Policia ka bërë të mundur kapjen e tyre afër Piramidës dhe i ka shoqëruar për veprime të mëtejshme".

Ndërkohë, në përfundim të veprimeve, thotë SHÇB, këta shtetas janë proceduar penalisht për "Mosbindje të urdhërit të punonjësit të policisë", parashikuar nga neni 242 i K.Penal.

"SHÇBA vijon me verifikimin e veprimeve të punonjësve të policisë, në përfundim të të cilit do të marrë masat përkatëse. Policia e Shtetit është e angazhuar t'i shërbejë publikut, duke kërkuar kontributin dhe bashkëpunimin e çdo qytetari për të respektuar ligjin dhe rregullat". 

Lidhur me një akuzë tjetër për dhunë në qytetin e Korçës, Ministria thotë se Shtetasi Jurxhin Kulla ishte shoqëruar në ambientet e Policisë nga Sektori për Narkotikët dhe Trafiqet dhe është arrestuar për veprat penale "Kundërshtimi me dhunë i punonjësit të Policisë së rendit publik" dhe "Falsifikim i vulave, stampave ose formularëve".

Ky person, sipas policisë është me precedent kriminal, pasi ka qenë i dënuar disa herë më parë.

Redaksia Online
l.q/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

SPAK nxjerr blof Berishën asnjë dosje për Majkon në Prokurorinë e Posaçme

SPAK nxjerr blof Berishën asnjë dosje për Majkon në Prokurorinë e Posaçme

10 Janar, 13:26