TIRANË-Nipi i deputetit të Partisë Socialiste Rrahman Rraja është shoqëruar në polici, pasi dhunoi një grua në datë 31 korrik në orën 07:30 minuta në QSUT. Katër ditë pasi ndodhi ngjarja, policia pas qarkullimit të pamjeve të dhunës në rrjetet sociale sot njoftoi se ka shoqëruar 26-vjeçarin në komisariat dhe ka nisur procedimin e tij.

Ndërkohë që është pezulluar edhe efektivja e policisë që ishte e pranishme në momentin që i riu rrahu gruan. Efektivja është pezulluar, pasi nuk ka ndërhyrë në momentin që Rraja dhunoi gruan në oborrin e QSUT-së.

Por çfarë deklaroi Ramazan Rraja në komisariat? Ai mësohet se është shprehur se gruaja i kishte kërkuar që ta dërgonte në qendër me makinë, por ai nuk kishte pranuar dhe në këtë moment, sipas tij, ajo kishte qëlluar makinën me shkelma.

Kështu është justifikuar ai për dhunën që ushtroi. Në pamje duket momenti kur i riu pasi ka zbritur nga makina e ka kapur për flokësh dhe e goditi me shkelma gruan.