POP 5

Lajmet më të lexuara të 5 minutave të fundit

Kronikë

Dhunuan barbarisht 2 kushërinjtë se denoncuan dëmet nga gurorja, Gjykata e Tiranës liron 3 pjesëtarë të fisit Rraja! U përfundoi afati i parabugimit

Me argumentin se u tejkaluan afatet e qëndrimit në paraburgim, Gjykata e Tiranës nxori nga qelia dhe zëvendësoi në “arrest shtëpie” masën ndaj 3 të akuzuarve për dhunën barbare të kushërinjve Maja në Thumanë. Dhuna e fisit të ish-deputetit Rraja që solli furtunë shkarkimesh, është shfryrë në “plagosje të lehtë”, dhe tashmë asnjë nuk është as në qeli.

Dhunuan barbarisht 2 kushërinjtë se denoncuan dëmet nga gurorja, Gjykata e Tiranës liron 3 pjesëtarë të fisit Rraja! U përfundoi afati i parabugimit

Ineidi Rraja, Eni Kullaj dhe Andi Rraja

Gjykata liroi 3 të arrestuar për dhunën ndaj kushërinjve Maja, të cilët u rrahën barbarisht me shkopinj bejsbolli dhe u kërcënuan me pistoletë pasi denoncuan dëmet që po u shkaktoheshin në shtëpitë e tyre në Borizanë, nga gurorja e Përparim Rrajës, kushëririt të ish-deputetit socialist.

Prokuroria pranoi kërkesën për zëvendësimin e masës nga “arrest me burg”, në “arrest shtëpie”, për 3 të akuzuarit në mesin e agresorëve, Andi Rraja, Ineidi Rraja dhe Eni Kullaj, për shkak të tejkalimit të afatit të qëndrimit në paraburgim.

Në kërkim vijojnë të jenë Xhelal e Flamur Rraja vëllezërit e ish-deputetit Rrahman Rraja i cili u tërhoq nga detyra pasi në media rrodhi video e episodit babar të dhunës në një lokal në Thumanë. Në arrati është edhe djali i ish-deputetit, Rexhep Rraja dhe nipi, Klajdi Rraja.

Anëtarët e fisit Rraja filmuan të gjithë episodin babarbar për të kërcënuar më tej banorët e tjerë të zonës se nëse do të ankoheshin për guroren do të kishin të njëjtin fat si Majat.

Prokuroria e Tiranës i ka përfunduar hetimet ndaj pjesëtarëve të fisit Rraja dhe i akuzon për plagosje të lehtë me dashje dhe kanosje bazuar në një ekspertizë që la vend për dyshim, pasi dhunën barbare të dëshmuar me video ndaj 2 kushërinjtë Jashar e Bilbil Maja e konsideruan dëmtim të lehtë. Në akuzë nuk reflektohet armëmbajtja pa leje e vëllait të ish-deputetit, Xhelal Rraja, që u shfaq qartë në pamjet të cilat Rrajat filmuan si dëshmi force ndaj banorëve të tjerë të zonës.

Dhuna barbare ndodhi më 6 korrik të vitit 2023. Bilbil e Jashar Maja përfunduan në spital vetëm se deshën të mbrojnë shtëpitë e tyre. Ngjarja e rëndë pati një reagim zinxhirë në vetëm 48 orë, deri në instancat më të larta. Kryeministri Rama shkarkoi ministrin e Brendshëm, Bledi Çuçi, Rrahman Rraja la mandatin e deputetit, u shkri i gjithë Komisariati i Krujës dhe gurorja e Përparim Rrajës (ende në kërkim), u bllokua nga policia.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Një letër për studentin e gazetarisë në kohën e marrëzisë

Një letër për studentin e gazetarisë në kohën e marrëzisë

4 Maj, 00:25 nga Lutfi Dervishi