TIRANË- Në 18 nëntor hyjnë në fuqi ndryshimet ligjore që parashikojnë dëbimin nga banesa të burrave dhunues.
Por çfarë mendojnë qytetarët për këtë nismë? Report Tv sjell opinionet e tyre.
“Është shumë i rregullt ai vendim. Ai duhet të ishte dhe më parë. Kohë më parë. Se ka shumë gra të dhunuara, fëmijë, nëna. Duhet të ishte marrë më parë ky vendim jo tani.”, shprehet qytetarja.
“Unë mendoj se duhet të ketë ligje më të forta, sepse dëbimi është vetëm një pjesë e cila mund të rikthehet përsëri në dhunë ndaj gruas. Prandaj, shteti duhet të marrë masa dhe të nxjerr ligje ashtu si e ka Bashkimi Evropian.”, tha një qytetar.
“Burri që dhunon gruan duhet ta largosh nga banesa dhe të dënohet me burgim të përjetshëm, mendimi im. Se gruaja nuk dhunohet. Gruaja është e shenjtë dhe gruaja nuk dhunohet.”, tha gruaja.
“Ku do shkoj ky qyqar? Jo, sepse nëse për një moment mund të godasësh gruan nuk është se ti e ke në natyrë këtë punë, kjo ndodh nga stresi nga të tjera. Kështu që do një njohje shumë të thellë kjo punë për t’u vendosur ky ligj”, shprehet burri.
“Nëse e ka bërë për borxh le ta heqin (nga shtëpia), nëse e rreh vazhdimisht. Nëse nuk e rreh vazhdimisht le të rri atje se në rrugë të madhe nuk rrihet”, u shpreh një tjetër qytetare.
Çfarë parashikon ligji? Burrat që dhunojnë gratë apo pjesëtarë të tjerë të familjes, do të dëbohen menjëherë nga banesa duke filluar që nga data 18 nëntor 2020. Kështu parashikojnë ndryshimet në ligjin për masat kundër dhunës në familje, miratuar nga Parlamenti në datën 15 tetor 2020. Ndryshimet janë botuar në Fletoren Zyrtare në datën 3 nëntor 2020, ndërsa hyjnë në fuqi dhe do të zbatohen pas datës 18 nëntor 2020. Konkretisht, ligji i ndryshuar parashikon që, Policia e Shtetit, para se të vihet në lëvizje gjykata, urdhëron largimin e menjëhershëm të dhunuesit nga banesa, kur viktima dhe dhunuesi banojnë në të njëjtën strehë. Ligji i mëparshëm priste vendimin e gjykatës për të larguar dhunuesin nga banesa, kohë gjatë të cilës dhunuesi, kryesisht burrat, vijonin dhunën.
Me ligjin e ri, një burrë që dhunon gruan, do të largohet në kohë rekord nga banesa.
Lajme të tjera
-
Gjirokastër/ Në 11 muaj 53 raste të dhunës në familje! Thyhet ‘tabuja’, urdhër-mbrojtjeje kërkojnë dhe burrat
1 Dhjetor, 15:44
-
Greqi/ Shqiptari përplas gruan me makinë dhe e kërcënon, shpallet në kërkim
19 Qershor, 17:01 -
Barazia e mosdiskriminimi, Balla: Asnjë justifikim ndaj dhunës. 283 të arrestuar për dhunë në familje në 5 muaj
5 Qershor, 21:03 -
Dhuna në familje, Avokatja për Report Tv: Shërbimi social nuk funksionon! Dhuna duhet denoncuar, viktimat e saj të përkrahen
16 Maj, 16:25 -
Dhuna në familje po ‘vret’ gratë! Policia ngre strukturë të re për t’i mbrojtur
9 Maj, 15:32
-
Tiranë/ U filmua duke kapur prej flokësh nënën e tij, arrestohet djali në Allias
8 Maj, 20:00 -
Tragjedia në Shkodër, gra e vajza denonconi dhunën! Rezultati i sondazhit të shqiptarja.com
7 Maj, 22:26 -
Krimi në familje, kambanë alarmi! Dom Artur Jaku: Shkak analfabetizmi e teknologjia! Komunitetet fetare në Shkodër: Të ashpërsohen ligjet
3 Mars, 15:54
-
Gjykata e BE-së: Viktimat e dhunës në familje kualifikohen për status refugjati
16 Janar, 20:26 -
Heshtja ndaj dhunës në familje, Sociologu: Jemi shoqëri maskiliste, fëmijët janë viktima
9 Janar, 15:38
-
Rrjete sociale po vrasin thelbin e jetës së njeriut
8 Janar, 12:43
-
‘Edhe unë si Bedrija!’ Gruaja nga Tropoja telefonon dhe rrëfen për Report Tv tmerrin e 25 viteve martesë: Burri e nipi i tij më rrahin, s’më lënë të punoj tokën! Apel për ndihmë
8 Janar, 12:16
