POP 5

Lajmet më të lexuara të 5 minutave të fundit

Kronikë

Dhurata, qendër tregtare dhe 4 shtëpi të pajustifikuara! Si u ‘vulos’ shkarkimi përfundimtar i kryegjyqtares së Korçës

Në llogarinë e bashkëshortit të Entela Priftit kaluan shumat 70 mijë USD, 29 mijë euro dhe 2 000 000 lekë, kryegjyqtarja: Paratë ishin të një mikeshe në Greqi dhe të një miku të burrit, shuma 2 000 000 lekë dhuratë.

Dhurata, qendër tregtare dhe 4 shtëpi të pajustifikuara! Si u ‘vulos’ shkarkimi përfundimtar i kryegjyqtares së Korçës

Kolegji i Posaçëm i Apelimit ka ‘vulosur’ në mënyrë përfundimtare shkarkimin nga detyra dhe përjashtimin me 15 vjet nga drejtësia kryegjyqtarin e Apelit në Korçë, Entela Prifti. Një mendim ndryshe ka pasur vetëm gjyqtarja Ina Rama, ish-kryeprokurore, jo për faktin se zonja Prifti duhej shkarkuar nga detyra, por për konstatimin e shumicës se Entela Prifti ka cenuar besimin e publikut te sistemi i drejtësisë. Kryegjyqtarja e Korçës u shkarkua fillimisht nga shkalla e parë e Vettingut në 10 tetor 2018. Ajo i kërkoi Kolegjit rrëzimin e këtij vendimi. Kolegji në 2 dhjetor të 2019, la në fuqi vendimin e shkallës së parë. Të pesë anëtarët e trupit gjykues nuk kanë pasur asnjë dilemë për shkarkimin nga detyra të Entela Priftit, me përjashtim të zonjës Rama, për një asket që nuk e afekton vendimin përfundimtar.

Po pse Kolegji e shkarkoi përfundimisht Entela Priftin? Nga vendimi i zbardhur para disa orësh, Kolegji ka arritur në konkluzionin se kryegjyqtarja e Korçës ka mungesë të burimeve financiare për të justifikuar një apartament me sipërfaqe 55 m² në Korçë, apartament 70 m² në Korçë, apartament banimit dupleks me sipërfaqe 235 m² në Korçë, banesë me sipërfaqe 198 m2 në Korçë si dhe një njësi shërbimi me sipërfaqe 519 m² në Korçë. Komisioni i Vettingut ka konstatuar se kjo ‘njësia e shërbimit’ ishte pjesë e një qendre tregtare. Kryegjyqtarja ka deklaruar se e ka blerë me 27.360 lekë/m2. Por, sipas Komisionit të Vettingut çmimi i saj sipas tregut është mbi 1.100 euro. Gjithsesi, Kolegji ka konkluduar se kryegjyqtarja nuk e justifikon këtë pasuri.

Edhe pse gjithë këto pasuri, kryegjyqtarja ka deklaruar se bashkëshortit të saj i ka dhuruar babai 2 000 000 lekë. Kjo shumë ka kaluar në llogarinë e bashkëshortit. Kolegji ka arritur në konkluzionin se kryegjyqtarja ka mungesë të burimeve të ligjshme financiare për krijimin e kësaj shume. Por, çudirat nuk mbarojnë këtu. Shkalla e parë e Vettingut ka konstatuar se bashkëshortit të kryegjyqtares i kishin kaluar 70 mijë USD në llogari, shumë e cila nuk është deklaruar. Ajo ka pohuar se kjo shumë i përket një mikeshe të familjes së tyre që ushtron profesionin e avokates në Selanik, Greqi. Në vijim, bashkëshorti i tij ka depozituar në shumë 3.600.000 lekë, e ka konvertuar atë në monedhën euro 29.629 dhe e ka tërhequr cash. Kryegjyqtarja ka pretenduar se edhe kjo shumë i përkiste një miku të bashkëshortit, por nuk kuptohet se pse miq e familjes së tyre i kalonin paratë nga llogaria e bashkëshortit të kryegjyqtares.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agjenti: 13/02/2020 22:04

    Konfiskim te pasurise pa ja zgjatur fare. Kshu duhet

    Përgjigju
  • Korcar: 13/02/2020 21:45

    Po jesaj dergojini OFL se kjo e paska ngritur zgupthi me veprimtari jriminale mu ne shtepine e ligjit.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Fushë-Arrëzi dhe Vau i Dejës kremtojnë Krishtlindjet me mesazhe shprese dhe paqe

Fushë-Arrëzi dhe Vau i Dejës kremtojnë Krishtlindjet me mesazhe shprese dhe paqe

25 Dhjetor, 11:00