William Marotta, 46 vjeç nga Topeka në Kansas është drejtuar në gjykatë për të shmangur detyrimin e pagesës së shpenzimeve të fëmijës. 46-vjeçari kishte nënshkruar një dokument për heqjen dorë nga e drejta e atësisë së fëmijës lindur në vitin 2009.
Kur 46-vjeçari u dhuroi spermën Angela Bauer dhe Jennifer Schreiner në vitin 2009, hoqi dorë nga të gjitha të drejtat prindërore, duke përfshirë përgjegjësitë financiare ndaj fëmijës.
Këtë vit Bauer dhe Schreiner kërkuan ndihmë financiare shtetërore, shteti kërkoi emrin e donatorëve në mënyrë që të mund të mbledhë të ardhura për vajzën, e cila tani është 3-vjeçe. Bauer dhe Schreiner janë ndarë në 2010 por ato të dyja kanë tetë fëmijët, të cilët janë nga mosha 3 muaj deri në 25 vjeç.
Farëzimi është kryer nga një mjek i regjistruar dhe për shtetin marrëveshja për dhurimin e spermës mes palëve nuk është e vlefshme ligjërisht.
(eç/shqiptarja.com)