Dialogu Kosovë-Serbi,/ Ministri i Mbrojtjes Vulin: Bisedimet në Uashington do të jenë shumë të vështira

Bisedimet e ardhshme ndërmjet Prishtinës dhe Beogradit në Uashington, do të jenë shumë të vështira,- ka thënë ministri i Mbrojtjes i Serbisë, Aleksandër Vulin në programin e mëngjesit të Televizionit "Pink".

Takimi ndërmjet presidentit të Serbisë, Aleksandar Vuçiç, dhe kryeministrit të Kosovës, Avdullah Hoti, është paraparë të mbahet në Uashington më 4 shtator.

"Çdo takim është jashtëzakonisht i vështirë, nuk ka asnjëherë diçka të këndshme, ju bisedoni me njerëzit për të cilët e dini se sinqerisht e urrejnë popullin tuaj dhe vendin tuaj dhe që kanë vetëm një interes, dhe kjo është që t'ju dëmtojnë disi. Por, ju duhet të flisni", tha Vulin.

Siç theksoi ai, fuqitë e mëdha gjithmonë kanë agjendën e tyre dhe nuk i kushtojnë shumë vëmendje "asaj që ne të vegjlit mendojmë, se a na lëndon diçka apo na bën të lumtur".

Burimet diplomatike në Bashkimin Evropian paralajmëruan se në fillim të shtatorit do të mund të zhvillohet edhe një raund i bisedimeve të nivelit të lartë midis kryeministrit të Kosovës, Avdullah Hoti, dhe presidentit të Serbisë, Aleksandar Vuçiç.

Më 4 shtator, ndërkaq, Hoti dhe Vuçiq pritet të takohen në Uashington, me ftesë të këshilltarit për Siguri Kombëtare të SHBA-së, Robert O’Brein.

Bisedimet midis Kosovës dhe Serbisë kanë për synim normalizimin e marrëdhënieve midis dy vendeve.

Dialogu mes Kosovës dhe Serbisë i ndërmjetësuar nga BE-ja rifilloi më 16 korrik, pasi ishte ndërprerë në fund të vitit 2018, kur Qeveria e Kosovës vendosi taksën 100 për qind ndaj produkteve të importuara nga Serbia dhe Bosnje e Hercegovina.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gege Kosova: 29/08/2020 11:19

    Bisedimet jane te veshtira per Vulinin,sepse perballet me realitetin hstorik e kombetar shqiptar, ose veshtersite shqiptare ne kete dialog,dalin per arsye te perballjes me genjeshtrate e sajuar serbe. Ketu, ne kete perballje, jane veshtersite qe nuk celin udhe per marrveshtje. Ketu perballen e verteta e madherishme dhe genjeshtra e shemtuar.

    Përgjigju
  • Sondazhi i ditës:

    Beteja për FSHF-në, a duhet të vijojë Armand Duka të drejtojë futbollin në vend?



×

Lajmi i fundit

John

Temperatura nga -15°C deri në 8°C, parashikimi i motit sot, ja çfarë pritet të ndodhë pasdite