POP 5

Lajmet më të lexuara të 5 minutave të fundit

Kosova & Rajoni

Dialogu Kosovë-Serbi në fazë të re? Ja mesazhi i zyrtares së lartë të BE

Maja Kocijançiç, zëdhënëse e shefes së Diplomacisë Evropiane, Federica Mogherini, ka bërë të ditur se kryenegociatorët e Prishtinës, të Beogradit, si dhe ekipi menaxhues, i cili po harton statutin e Asociacionit, së shpejti do të ftohen në Bruksel
Dialogu Kosovë-Serbi në fazë të re? Ja mesazhi i zyrtares së lartë të BE

Maja Kocijançiç

Maja Kocijançiç, zëdhënëse e shefes së Diplomacisë Evropiane, Federica Mogherini, ka bërë të ditur se kryenegociatorët e Prishtinës, të Beogradit, si dhe ekipi menaxhues, i cili po harton statutin e Asociacionit, së shpejti do të ftohen në Bruksel, shkruan "Zëri.info". 

Bashkimi Evropian ka paralajmëruar se shumë shpejt do ta organizojë një takim, në të cilin do të ftohen kryenegociatorët e Prishtinës, të Beogradit, si dhe ekipi menaxhues, i cili po harton statutin e Asociacionit të Komunave me Shumicë Serbe.

Kështu ka deklaruar për gazetën “Zëri” Maja Kocijançiç, zëdhënëse e shefes së Diplomacisë Evropiane, Federica Mogherini, duke shtuar se normalizimi i marrëdhënieve mes dy vendeve është në dobi të dyanshme dhe qëllim i vazhdimit të rrugës evropiane.

“Një normalizim gjithëpërfshirës i marrëdhënieve është në dobi të të dyja vendeve, Beogradit dhe Prishtinës. Është jetike për të dyja palët, por gjithashtu është e rëndësishme që të mundë të vazhdojnë rrugën e tyre evropiane, pasi përparimi në dialog është i lidhur fort me aftësinë e të dyjave vendeve për të përparuar në këtë drejtim”, ka thënë ajo.

Kocijançiq ka shtuar se dialogu gjatë viteve ka çuar në një normalizim të rëndësishëm të marrëdhënieve midis Prishtinës dhe Beogradit, si dhe në një hap tjetër të normalizimit, i cili do të duhej të sillet në një nivel gjithëpërfshirës.

“Dialogu gjatë viteve ka çuar në një normalizim të rëndësishëm të marrëdhënieve midis Prishtinës dhe Beogradit. Në një hap tjetër, normalizimi do të duhej të sillet në një nivel gjithëpërfshirës. Përmbajtja e marrëveshjes ligjërisht detyruese është që të dyja palët të përcaktohen me lehtësimin e Bashkimit Evropian”, ka shtuar ajo.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri

Theu masën e arrestit të shtëpisë, shpallet në kërkim 47 vjeçari nga Fieri

5 Nëntor, 13:13