Dialogu me Serbinë, Presidenti Thaçi në Paris: Jo ndarje e as krijim të “Republika Srpska”

Presidenti i Kosovës, Hashim Thaçi tha se nuk do të ketë ndarje të Kosovës, e as themelim të Asociacionit të komunave me shumicë serbe me kompetenca ekzekutive, e cila sipas tij, do të ishte e modelit të Republika Srpska-s.

Këto komente Thaçi i bëri në një konferencë me gazetarë në Paris, ku ka shkuar me ftesë të presidentit francez, Emmmauel Macron, për të marrë pjesë në ngjarjet që po zhvillohen për të shënuar 100-vjetorin e përfundimit të Luftës së Parë Botërore. 

Një gjë duhet ta keni të qartë, nuk ka dhe nuk do të ketë në asnjë rrethanë ndarje, sikurse që nuk do të lejojmë që të themelojmë ndonjë model të asociacionit me elemente ekzekutive që nënkupton model të Republika Srspka-s sepse një nga kërkesat kryesore të Serbisë ka qenë bartja e pronave shtetërore te autoritetet lokale serbe. Një gjë të tillë nuk do të lejojmë.

Hashim Thaçi, president i Kosovës

I pyetur se nëse gjatë qëndrimit në Paris në takimet që do të ketë me liderë të ndryshëm botërorë, do të flasë për idenë e tij për ndryshimin e kufirit, apo siç e quan Thaçi, “korrigjim” të tij, presidenti Thaçi tha se nuk mund të ketë njohje reciproke mes dy vendeve, pa njohjen e kufijve.

Nuk ka njohje reciproke, si dy vende të pavarura dhe sovrane pa njohjen edhe të kufijve në nivel ndërshtetëror. Prandaj komisionet tona ndërshtetërore që do të themelohet nga shteti i Kosovës, do të punojnë me autoritetet e Serbisë që të vë vijën kufitare, demarkimin. Ne po punojmë në një marrëveshje gjithëpërfshirëse që do të përfshijë shumë çështje. Çështja e demarkimit të kufirit është një nga çështjet përfundimtare që do të rezultojë nga marrëveshja.

Hashim Thaçi, president i Kosovës

Në këto ngjarje do të marrë pjesë edhe presidenti i Serbisë, Aleksandar Vuçiç. Megjithatë, presidenti Thaçi tha se nuk ka një takim bilateral të planifikuar mes tij dhe homologut serb. Kosova dhe Serbia ndodhen prej muajsh në një udhëkryq, pasi ende nuk kanë arritur një marrëveshje për propozimin e bërë publik më herët nga vetë Thaci për një korrigjim kufijsh mes Kosovës dhe Serbisë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht

Të dielën takohen në ring, Florian Marku 'kërcënon' rivalin: Duhet të më hedhë 'KO', nuk jam këtu rastësisht