POP 5

Lajmet më të lexuara të 5 minutave të fundit

Sociale

Dialogu ndërfetar në Samitin III të Diasporës, Massafra: T’i mbetemi besnikë identitetit tonë dhe të njohim kulturën e tjetrit

Në Samitin e 3-të të Diasporës, të ftuar të ndryshëm ligjëruan mbi temën e marrëdhënieve ndërfetare e ekumenike si dhe dialogun mes kulturave.

Dialogu ndërfetar në Samitin III të Diasporës, Massafra: T’i mbetemi besnikë identitetit tonë dhe të njohim kulturën e tjetrit

Angelo Massafra

Në Samitin e 3-të të Diasporës, të ftuar të ndryshëm ligjëruan mbi temën e marrëdhënieve ndërfetare e ekumenike si dhe dialogun mes kulturave.

Në fjalën e tij imzot Angelo Massafra, Arqipeshkëv Metropolit Shkodë-Pult, President i Konferencës Ipeshkvnore Shqipërisë, falenderoi kryeministrin Edi Rama, për këtë nismë, së bashku me gjithë bashkëpunëtorët.

“Është e vërtetë se fenomenin e ndërrimit të fesë, shqiptarët nuk e pranuan lehtësisht, por për mbijetesë, ashtu siç e thotë një fjalë e urtë latinisht: “primum vivere deinde philosophari” (së pari jeto, pastaj filozofo)”, u shpreh Massafra, në fjalën e tij.

Imzot Massafra, i cili është me origjinë arbëreshe, shtoi se ne si shqiptarë kemi borxhe ndaj Papa Benediktit të 15-të, për dy arsye: sepse ishte papa që themeloi Eparkinë e Lungros në Kalabri, një dioqezë italo-shqiptare ku kryhet riti bizantin, si dhe ishte ai që shpëtoi Shqipërinë nga një copëtim tjetër.

“Në paris, në 1920, fuqitë e mëdha kishin etje e uri për të marrë tokën shqiptare. Delegacioni i Shqipërisë në atë kohë kryesohej nga Imzot Bumçi. Kur e kuptuan se Shqipërisë do i mbetej vetëm zemra, u lobua për të pasur Shqipërinë e sotme”, tha Arqipeshkev Massafra.

Sipas tij nuk ekziston një model i vetëm dialogu ndërfetar dhe për të pasur marrëdhënie të mira ndërfetare nuk duhet të jesh ekstremist, por besnik i identitetit tënd dhe të njohësh edhe identitetin e të tjerëve.

“Duhet të vendosim kryqin në mënyrën e të menduarit dhe të vepruarit, si shembujt që japin martirët e Kishës Katolike, mes të cilëve Giovanni Fausti, jezuit e misionar italian, ndër nismëtarët e dialogut katolik-musliman në Shqipëri. Ai ishte i vetmi italian ndër 38 martirët e vrarë nga komunizmi. Apo At Vinçenc Prennushin, i ndihmuar nga vëllezërit muslimanë të vdiste i qetë në burgun komunist”, tha imzot Massafra duke kujtuar se dialogu dhe kultura duhet të ecin paralelisht, pasi është themelore të njohësh kulturën e një rajoni, e një kombi.

Në përfundim të fjalës së tij, Massafra foli edhe për konfliktin Izrael-Palestinë, ku theksoi se bashkëjetesa në këtë rajon është e arritshme nëse do të udhëhiqen nga parime njerëzore dhe jo nga interesat.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Milanist: 22/11/2023 16:58

    Ky maltezi duhet te kuptoje kombi shqiptar nuk ka fe. Feja e vetme eshte shqiptaria. Individualisht shqiptaret te besojne cfare te duan.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Dronë misteriozë shihen mbi tri baza amerikane në Britani

Dronë misteriozë shihen mbi tri baza amerikane në Britani

24 Nëntor, 07:41