POP 5

Lajmet më të lexuara të 5 minutave të fundit

Kronikë

Dibër/ Plas goma e kamionit në aksin Maqellarë-Peshkopi, plagoset rëndë një efektivi i rrugores, shkoi në terren për hapjen e trafikut

Efektivi i policisë rrugore Tonin Tosku ka mbetur i plagoasur pas shpërthimit të gomës së një kamioni. Sipas policisë një mjet i tonazhit të rëndë kamion ka pësuar defekt duke bllokuar aksin rrugor. Patrulla e Policisë Rrugore ka shkuar në vendin e ngjarjes me qëllim menaxhimin dhe hapjen e trafikut për automjetet.

BURREL- Efektivi i Rrugores, Tonin Tosku, kishte shkuar në terren për të menaxhuar trafikun por mbeti i plagosur rëndë nga shpërthimi i një gome kamioni e cila kishte bllokuar rrugën për shkak të një defekti. Nga spitali i Peshkopisë ku u dërgua fillimisht, për shkak të frakturave të mëdha në të dyja këmbët, polici u transportua me helikopter drejt spitalit të Traumës në Tiranë.

Menjëherë pasi mbërriti në spitalin Ushtarak, ai iu nënshtrua ndërhyrjes kirurgjikale, ku tashmë është jashtë rrezikut për jetën. Për një trajtim më të specializuar efektivi është shtruar në reanimacion, teksa pritet që t’i nënshtrohet edhe një operacioni tjetër. Aksidenti i rëndë u regjistrua mesditën e kësaj të shtune në aksin rrugor Maqellarë-Peshkopi, në vendin e quajtur në ‘Qenok’.

Policia bëri të ditur se trajleri kishte pësuar defekt duke bllokuar lëvizjen e makinave të tjera. Për të zhbllokuar trafikun në vendgjarje kanë mbërritur efektivët e policisë rrugore të Peshkopisë. Në tentativë për të zhvendosur trajlerin nga rruga, në rrethana ende të paqarta, goma ka shpërthyer duke plagosur rëndë Tonin Toskun. 

Edhe një ditë më parë një incident i ngjashëm tragjik i mori jetën një 56 vjeçarit, Spase Milloshit, në aksin rrugor Lezhë-Milot. 56-vjeçarit i plasi goma e një trajleri të tonazhit të rëndë të cilën po e frynte gomisterinë ku punonte.

Rendit zhvillimet sipas orarit:
Ora 19:10
Plagosja e policit prej shpërthimit të gomës në Dibër, flet mjeku: Erdhi në gjendje të rëndë! Kishte hemorragji në të dyja këmbët

 

Mjeku, Erjol Braholli ka folur për mediat pasi i dha ndihmën e parë policit Tonin Tosku, i cili mbeti i plagosur prej shpërthimit të një gome kamioni në aksin Maqellarë – Peshkopi.

“I sëmuri ka ardhur në urgjencë në gjendje të rëndë. Ka pasur hemorragji në të dy këmbët. Ka pasur fraktura të hapura me hemorragji me ekspozim kockave dhe i sëmuri u transferuar direkt në reanimacion. U mjekuan plagët dhe u dërgua për trajtim të specializuar në Tiranë. Plagët ia ka shkaktuar një goditje që mund të ketë ardhur nga shpërthimi i gomës. Ka qenë një forcë e madhe për të bërë ato dëmtime.” tha mjeku, Erjol Braholli.

Ora 15:54
Plasja e gomës së tij shkaktoi plagosjen e rëndë të policit të rrugores, pamje të kamionit që pësoi defekt në aksin Maqellarë-Peshkopi

 

Ky është kamioni që pësoi defekt duke bllokuar aksin rrugor Maqellarë-Peshkopi dhe për shkak se njëra nga gomat e tij plasi, u plagos rëndë punonjësi i policisë Tonin Tosku. Efektivi ka marrë dëmtime në të dyja këmbët ndërsa pritet të bëhet transportimi i tij me helikopter.

Ndërkohë në vendngjarje, ka forca të tjera policie që po përpiqen të devijojnë trafikun për shkak se një pjesë e rrugës është bllokuar nga mjeti i tonazhit të rëndë. 

B.V/Shqiptarja.com

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako