Dietologji/ Ja si të përgatisim
një hamburger të shëndetshëm

Çelsi i suksesit për të konsumuar një produkt të shëndetshëm është mënyra e përzgjedhjes së produkteve. Një hamburger që të jetë i shëndetshëm duhet të bëhet nga kombinimi i duhur i produkteve ushqimorë.

Së pari nëse duam një hamburger me pak kalori duhet të kujdesemi që buka është integrale. Duhet të zëvendësojmë disa produkte si majonezin me salcën e kosit apo mishin me legume.

Në një intervistë për emisionin e mëngjesit “Rreze Dielli” dietologia Viktoria Naço na dha disa këshilla si të përgatisim një hamburger të shëndetshëm.



Përbërësit e shëndetshëm për hamburgerin:

Salcë kosi

Perime: spec, qep, domate, sallatë jeshile, rukola, perime të ziera

Proteina: mish viçi, mish pule, legume, djath

Nëpërmjet këtyre përbërësve mund të bëjmë kombinime të ndryshme. Dietologia Naço thotë: “Jo të njëjtin produkt gjatë gjithë kohës”. Kjo do të thotë që përbërësit e hamburgerit duhet të ndryshojnë në kombinime të ndryshme. “Nëse ne përdorim produkte të ushqyeshme në hamburgerin tonë atëherë ky është një vakt shumë i mirë”, thotë Naço.
 
Në vlera ushqyese hamburger është i pasur. Në dietën tonë hamburerin është e këshillueshme ta konsumojmë së bashku me një sallatë.

Redaksia Online
(m.z/shqiptarja.com)