Në fshatin Lekas të Korçës gjatë mbrëmjes së djeshme ka marrë flakë një banesë e pabanuar, e cila është shkrumbuar plotësishtë.

Nga kontrollet e bëra nga zjarrëfikësit dhe policia ditën e sotme është gjetur i djegur Ilir Qyrani, 45 vjeç.

Mësohet se viktima kishte probleme mendore, ndërkohë familja e tij jetonte në fshatin Rrëmbec.

Sipas banorëve të fshatit Lekas viktima ishte me probleme mendore e konsumonte alkool dhe mund të ketë hyrë në shtëpinë e pabanuar duke ndezur zjarr për tu ngrohur, që që solli edhe vdekjen e tij dhe djegjen e banesës.

Nuk dihen ende shkaqet e zjarrit, ndërkohë që hrupi hetimor po punon për zbardhjen e rrathanave të ngjarjes.

Të dhëna paraprake
Në afërsi të kufomës, janë gjetur disa sende dhe orendi personale (metalike), të cilat shërbenin për pirjen e duhanit dhe për ushqyerje.

Në bazë të këtyre sendeve, dyshohet se kufoma mund të jetë e shtetasit I.Q. nga një fshat i Korçës, i cili nga deklaratat e marra banorëve të zonës, rezultonte me probleme mendore.

Mendohet se ky shtetas kishte shkuar në këtë zonë, për të punuar.

Hetimet po vijojnë.

Er.K/Shqiptarja.com