Disa 'shtëpi bari' në Malaga, shkatërrohet organizata kriminale shqiptare në Spanjë! Arrestohen 15 persona! Sekuestrohen mijëra bimë kanabis

Një organizatë kriminale e dedikuar për trafikun e drogës është shklatërruar në Malaga të Spanjës dhe 15 persona janë arrestuar, të gjithë shqiptarë.

Në kuadër të operacionit të ashtuquajtur “Kultur-Romina”, agjentë të Gardës Civile dhe Policisë Kombëtare në Spanjë kanë shkatërruar një organizatë kriminale të dedikuar për trafikun e drogës që vepronte në Malaga. Kjo organizatë fshehu plantacione të brendshme të marijuanës në shtëpi të mëdha të shpërndara në vende të ndryshme në provincë.

Janë zhvilluar 9 kontrolle në shtëpi ku u arrestuan 15 anëtarët e organizatës, të gjithë me kombësi shqiptare.

Operacioni filloi në maj 2021 kur agjentët gjetën një shtëpi në Coín që lëshonte një erë të fortë marijuane, kështu që u ndërmorën hapat përkatës për të gjetur banorët e saj. Hapat operacionalë të ndërmarrë treguan se ishte një organizatë kriminale që mund të përdorte këtë dhe shtëpi të tjera për të rritur marijuanën në ambiente të mbyllura.

Pas disa muajsh hetime nga agjentët e të dy forcave policore, ata gjetën 6 shtëpi të tjera me karakteristika të ngjashme në komunat Mijas, Alhaurín de la Torre, Marbella dhe Fuengirola që përdoreshin gjithashtu nga organizata.

Njëra prej shtëpive përdorej si tharëse për marijuanën që kultivohej në plantacionet e tjera, duke lokalizuar në të 127 kilogramë sytha të kësaj droge të gatshme për shitje.

Nga operacioni u sekuestruan gjithsej 3696 bimë marihuanë në faza të ndryshme të rritjes, 167 kilogramë sytha marihuane, 6336 euro para të gatshme, 3 automjete dhe 1 detektor të sistemit GPS, ndër efekte të tjera me interes.

Hetimi është drejtuar nga Gjykata Hetuese Nr. 3 e Coín, e cila dekretoi hyrjen në burg të përkohshëm të 15 të arrestuarve. Ky operacion është kryer nga agjentë që i përkasin kompanisë së Gardës Civile Coín dhe Udyco Fuengirola.

K.T./Shqiptarja.com

TAG:
• trafik kanabisi
• trafik droge
• spanje