Ditëlindja, surprizë për deputeten
Shkjau, buqetë lulesh në Parlament

Ndonëse në Parlamentin shqiptar kryesisht ndodhin dhe gjenerojnë debate dhe polemika ka edhe çaste të bukura.



Për deputeten e Partisë Socialiste, Esmeralda Shkjau, e cila sot festoi 31-vjetorin e lindjes, dita e sotme do të mbetet në kujtesë.



Gjatë seancës parlamentare Shkjau mori një buqetë me trëndafila  të bardhë, të cilat sigurisht që shkaktuan emocione tek ajo.



Gjithashtu ajo i ka ndarë këto çaste me kolegët e saj deputetë, të cilët e kanë uruar 31-vjeçaren.

Në këto foto të publikuara nga “Shqiptarja.com” shohim deputetë të ndryshëm të cilët e urojnë si Blendi Klosi, apo ministria e Zhvillimit Urban dhe Turizmit, Eglantina Gjermeni etj.

Binte në sy edhe fustani i bardhë i Shkjaut i cili kombinohej mjaft mirë me buqetën.



Dërguesi i kësaj buqete për deputeten socialiste nuk u bë i ditur, por me siguri nga ndonjë person i dashur dhe i afërt me të.



Redaksia Online
(xh.k/shqiptarja.com)