Dita Botërore e Dëgjimit, Manastirliu nga QSUT: Kryhen 20 implante kokleare, financim 100% nga shteti për procedurën e kushtueshme

Ministrja e Shëndetësisë dhe Mbrojtjes Sociale Ogerta Manastirliu, në Ditën Botërore të Dëgjimit, ka vizituar në QSUT fëmijët të cilët i janë nënshtruar procedurës së implantit koklear, për rikuperimin e dëgjimit.

Manastirliu bëri me dije së janë kryer 20 procedura të impalntit koklear, teksa theksoi se këtë vit do të vijojë financimi i procedurës së kushtueshme për fëmijët e lindur me humbje të thellë dëgjimi.

“Është me të vërtetë një arritje për QSUT sepse tashmë prej vitit 2020 ne kemi kryer më shumë se 20 implante kokleare. 5 në vitin e parë, 15 gjatë vitit 2021 dhe planifikojmë që këtë vit të kryejmë mbi 20 implante. 5 të parat i kemi kryer në këto ditë. Unë jam shumë e lumtur që jo vetëm proçedura e implantimit që tashmë kryhet në QSUT dhe rimbursohet 100 % nga shteti, që është një procedurë me të vërtetë e kushtueshme, por shëndeti i fëmijëve nuk ka çmim, por kemi siguruar edhe rehabilitimin, një proçes kaq shumë të nevojshëm për ta plotësuar këtë ndërhyrje, siç është shërbimi i logopedisë”, tha Manastirliu.

LEXO EDHE:
Dy muaj e gjysmë jashtë funksionit, pamjet nga dëmi i shkaktuar nga zjarri në Urgjencën e QSUT-së! Vijon puna për rikthimin në normalitet

Në vitin 2020 janë implantuar me sukses 5 fëmijë të moshës rreth 5 -6 vjeç, të cilët kishin vite që nuk gjenin dot zgjidhje. 15 të tjerë janë implantuar gjatë 2021, dhe 5 të parët për 2022 janë implantuar këto dy ditët e fundit. Sherbimi i ORL parashikon rreth 20 implante kokleare në vit. Në Shqipëri, sipas studimeve, rreth 2 bebe në 1000 lindje normale dhe 1-2 bebe në 1000 lindje problematike paraqesin probleme dëgjimi dhe një përqindje e këtyre rasteve kërkon implante kokleare.

TAG:
• QSUT
• Ogerta Manastiriu