Dita e 23-të e grevës, naftëtarja me lot në sy: Mbrëmë kam qenë sëmurë nga zemra, Rama të reagojë! Meta: Zgjidhja e vetme shpërndarja e parlamentit

Dita e 23-të e grevës, naftëtarja me lot në sy: Mbrëmë kam qenë sëmurë nga zemra, Rama të reagojë! Meta: Zgjidhja e vetme shpërndarja e parlamentit

Një nga naftëtaret

BALLSH- Naftëtaret kanë hyrë në ditën e 23-të të grevës në Ballsh teksa gjendja e tyre shëndetësore sa vjen e përkeqësohet.

Ato kanë kërkuar zgjidhje sa më shpejt nga kryeministri Edi Rama pasi thonë se mund të ndodhë tragjedia mes tyre pasi janë shfaqur shenja në përkeqesimin e shëndetit.

Njëra prej grave me lot në sy thotë se naftëtaret kanë diskutuar mbrëmë si do të vetëflijoheshin pasi u vjen rëndë të dalin nga greva dhe të rikthehen tek familjet e tyre. Ajo shton se ka pasur probleme me zemrën.

"Gjendja jonë ka qenë shumë e keqe mbrëmë kam qenë  e sëmurë nga zemra dhe shikoja shoqet që më jepnin kurajo. Nuk më vjen të shikoj  vajzat e mia që kam 23 ditë nuk e di ku i kam, për ça kam ikur nga familja për bukën e gojës. Shteti të reagojë, zonjat e parlamentit shqiptar duhet të reagojnë për këto nëna se nëna është e shenjtë përderisa krijon familje por unë sjam e zonja ta krijoj familjen time. Kërkoj zgjidhjen e Ramës që të mos ndodhë ndonjë tragjedi këtu te ne. Për bukën e gojës kemi ikur. I bëj thirrje dhe atyre zonjave të parlamentit. Kam 23 ditë nuk e di se çfarë bëjnë vajzat e mia a hanë a pinë. Jam shumë e mërzitur zoti më ndihmoftë. Sot kam qenë shumë e sëmurë nga zemra", tha ajo.

Lidhur me situatën e tyre ka reaguar edhe presidenti Ilir Meta i cili ka thënë, se e vetmja zgjidhje për këtë rast është shpërndarja e parlamentit.

"E vetmja zgjidhje që mund të bëhet është shpërndarja e Parlamentit dhe shpërndarja e Qeverisë për të zgjidhur një problem mjaft të agravuar social, por nuk mendoj se është ky momenti për t’i dhënë përgjigjen e merituar një qeverie çnjerëzore, aq më tepër kur rëndohet shëndeti i grave dhe shëndeti i të gjithë grevistëve.

Korrupsioni pa fre dhe mungesa e përgjegjësisë ndaj jetës së njerëzve dhe problemeve të tyre është një dimension i përditshëm i kësaj qeverie dhe Presidenti për të gjithë këtë neglizhencë që u bëhet jo vetëm grave naftëtare, jo vetëm naftëtarëve, jo vetëm atyre, por të gjithë shtresave më të vuajtura të shoqërisë sonë, të cilat kanë kontribuar aq shumë për zhvillimin e ekonomisë, për zhvillimin e vendit, do të gjejë kohën dhe përgjigjen e duhur së bashku me të gjithë popullin shqiptar. Megjithatë unë shpresoj që të ketë një dialog sa më parë që të jetë e mundur, dhe për humbjen e jetës apo të shëndetit të çdo qytetari e qytetareje do të ishte një përgjegjësi", tha ai.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen