POP 5

Lajmet më të lexuara të 5 minutave të fundit

Kronikë

Dita e 23-të e protestës, banorët e Unazës së Re peticion Arta Markut: Liro të arrestuarit dhe ndalo projektin

Rruga u bllokua nga ora 17:00- 18:00, ndërsa banorët firmosën një peticion drejtuar Kryeprokurores së përgjithshme të përkohshme Arta Marku për të liruar nga burgu të arrestuarit dhe ndërprerjen e punimeve.

TIRANË-Për të 23-tën ditë me radhë banorët e Unazës së Re bllokuan rrugën për më shumë se një orë, ndërsa protesta u mbështet si gjithmonë edhe nga deputetët e opozitës. Rruga u bllokua nga ora 17:00- 18:00, ndërsa banorët firmosën një peticion drejtuar Kryeprokurores së përgjithshme të përkohshme Arta Marku për të liruar nga burgu të arrestuarit dhe ndërprerjen e punimeve.

Deri tani në burg janë tre protestues të Unazës së Re; Dorjan Protoduari, i cili udhëhiqte protestën para Parlamentit, Ilias Sketiraj personi që tentoi të qëllojë Ramën me këpucë te Spitali i Traumës dhe Daniel Drobaj, i cili sipas prokurorisë hodhi kapsollën që plagosi policen Ina Nuka (lexo këtu).

Ndryshe nga herët e fundit, sonte lideri i PD, Lulzim Basha nuk ka qenë i pranishëm, por vetëm deputetët Klevis Balliu dhe Gent Strazimiri. Banorët prej 23 ditësh vijojnë protestën duke bllokuar rrugën në Unazën e Re, pasi kundërshtojnë shembjen e banesave që preken nga projekti. Protesta e mbështetur nga deputetët e opozitës zhvillohet nga banorët që nuk kanë leje për banesat e tyre.

Qeveria ka deklaruar se do të dëmshpërblejë vetëm banorët që kanë leje, ndërsa ata që janë pa dokumente jo. Ndërkohë që Bashkia e Tiranës ka vendosur bonues qiraje 3 vite dhe prioritet për banesat sociale.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Zylyfi: 27/11/2018 01:29

    O popull mos u merni me Arta Markun ska gje ne dore ajo I ben vetem blloxhabe Rames vetem kjo eshte detyra e SAJ

    Përgjigju
  • Sondazhi i ditës:

    A jeni dakord që personat e së njëjtës gjini të martohen ligjërisht?

Lajme të tjera



×

Lajmi i fundit

I Ngarkuari me Punë i ambasadës së SHBA-së Wisner: Vetingu ishte i domosdoshëm, koha për hapa më të ndërlikuar

I Ngarkuari me Punë i ambasadës së SHBA-së Wisner: Vetingu ishte i domosdoshëm, koha për hapa më të ndërlikuar

20 Maj, 13:12