Dita e Alfabetit, Kuvendi i Shqipërisë i dhuron Muzeut fotot e ditëve të Kongresit të Manastirit! Spiropali reciton 'Gjuha shqype' të Gjergj Fishtës

Me rastin e Ditës së Alfabetit, Kryetarja e Kuvendit, Elisa Spiropali, në emër të Kuvendit, i dhuroi Muzeut të Kongresit të Manastirit disa foto nga ditët e Kongresit, të përzgjedhura nga vetë ajo, në bashkëpunim me Drejtorinë e Përgjithshme e Arkivave. Ndër të tjera Spiropali ka recituar edhe disa vargje të shkëputura nga Gjuha shqype', shkruar nga figura më e madhe dhe e letërsisë shqiptare të gjysmës së parë të shekullit të njëzetë, Atë,Gjergj Fishta.

“Kongresi i Alfabetit të Gjuhës Shqipe është një prej ngjarjeve më madhore të historisë tonë që lidhet pazgjidhshmërisht me identitetin tonë kombëtar, kulturën, artin, arsimin, dhe dijet në përgjithësi.

 Kongresi i Manastirit kurorëzoi rrugën e gjatë e të mundimshme drejt shkrimit me Alfabet latin të Shqipes, gjuhës sonë të bukur, të shenjtë, të mirë e të dlirë.

LEXO EDHE:
Preç Zogaj: Shthurja e gjuhës si fillimi i shthurjes së një populli

 51 fotove dhe 58 dokumenteve të Muzeut të Kongresit të Alfabetit në Manastir, të cilat na dëshmojnë këtë rrugëtim epik, po u shtohen edhe këto 10 foto, një dhuratë modeste që Kuvendi i Shqipërisë i bën këtij Muzeu, në prag të 22 nëntorit, Ditës së Kongresit të Manastirit, e cila me vendim të qeverisë shqiptare kremtohet në Shqipëri si Dita e Alfabetit Shqip.

Ja si i këndoi Shqipes Homeri ynë, Kryetari i Kongresit të Manastirit, At Gjergj Fishta

Porsi kanga e zogut t'verës,

qi vallzon n'blerim të prillit;

porsi i ambli flladi i erës,

qi lmon gjit e drandofillit;

porsi vala e bregut t'detit,

porsi gjàma e rrfès zhgjetare,

porsi ushtima e nji tërmetit,

ngjashtu a' gjuha e jonë shqyptare.

Dhe ja Naimi ynë,

 Gjuha jonë sa e mirë!

Sa e ëmbël sa e gjerë

Sa e lehtë sa e lirë!

Sa e bukur sa e vlerë!”-shkruan znj. Spiropali.

.

Xh.K/Shqiptarja.com

TAG:
• elisa spiropali
• dita e alfabetit
• gjuha shqipe
• Kongresi i Manastirit