Shqipëria është sot në ditën e 12 të karantinimit për shkak të emergjencës së koronavirusit. Qytetarët ndryshe nga ditët e para duken më të ndërgjegjësuar pavarësisht se nuk mungojnë rastet e grumbullimit në masë të njerëzve, duke u bërë vatër infeksioni. Edhe sot, ashtu si e hëna, por që deri në një urdhër të dytë do të vijojë deri të premten, afati për lëvizjen e lirë të qytetarëve është nga ora 05:00 e mëngjesit deri në 13:00 të mesditës.
Sot në Berat u shënua rasti i parë me koronaviurs, duket se kjo ka ndikuar te qytetarët që të respektojnë maksimalisht karantinën duke mos dalë nga shtëpia. Report Tv sjell pamjet nga qyteti i Beratit pasditen e sotme, ku nuk ka asnjë qytetar jashtë.
Më në fund një situatë e qetë në qytetin e Durrësit edhe pse në orarin e lëvizjes. Duket se qytetarët tashmë janë bindur dhe ndërgjegjësuar të qëndrojnë në shtëpi duke respektuar masat e vendosura nga qeveria. Të paktë janë qytetarët të cilët kanë dalë për të kryer shërbimet që ju nevojiten për familjet e tyre dhe duket që kanë marrë edhe masat mbrojtëse.
Vihet re që prania e punonjësve të policisë është kudo në çdo hyrje, si në tregun e qytetit ashtu edhe në dyqanet ushqimorë apo dhe institucione të tjera. Ata shprehen që dita e sotme në krahasim me ditët e tjera ka qenë më e qetë dhe se nuk ka patur dyndje qytetarësh ndërkohë që kryenin shërbimet e nevojshme.
Policia e Vlorës ka bllokuar shtatë automjete ditën e sotme, të cilët lëviznin në rrugët e qytetit pa autorizime. Shumë uniforma blu populluan rrugët të cilët sot kishin një lëvizje të shtuar në krahasim me ditët e tjera të karantinës.
Për këtë arsye policia ka bërë kontrolle të shumta ku ka rezultuar se shtatë automjete lëviznin në rrugë pa autorizme. Si rrjedhojë policia ka marrë masat duke i bllokuar, ndërsa shoferëve iu është hequr patenta.
Ndërkohë përsa i përket situatës në Vlorë ajo shfaqet si një nga qytetet e rregullta të kufizimit të lëvizjes kur përfundon afati i vendosur nga autoritetet, por ku qytetarët kanë të drejtë të lëvizin atëherë rastet e mosrrespektimit të masave janë të shumta.
Edhe sot qytetarët gjatë kohës që kanë dalë për të kryer shërbimet e tyre nuk kanë respektuar masën e sigurisë si dhe kanë qenë të pambrojtur. Nuk mungojnë as rastet kur qytetarët që nuk kanë asnjë masë mbrojtëse.
Lëvizjet në qytetin e Lushnjës mëngjesin e sotëm kanë qenë të pakta edhe pse autoritet kanë lënë si afat orën 13:00. Qytetarët duken se i kanë marrë masat dhe po qëndrojnë në shtëpitë e tyre, duke iu dhënë hapësirë kështu pak prej atyre të tjerëve që ende nuk e kanë bërë.
Gjatë orarit të lejuar të lëvizjes së këmbësoreve në qytetin e Korçës vihen re lëvizje normale të qytetarëve, të cilët kryesisht kanë dalë për një arsye nga shtëpitë e tyre. Ata janë drejtuar për tek supermarketet, furrat e bukës, farmacitë, bankat apo tek pikat e operatorëve telefonikë. Pranë këtyre subjekteve gjen qytetare të cilët presin në radhë dhe të ndërgjegjësuar individualisht ata ruajnë distancën e sigurisë. Korça çdo ditë e më shumë po shfaq reflektim për situatën në lidhje me COVID-19.
Qytetarët e Beratit nuk ndryshojnë nga ata të Vlorës dhe Fierit. Mëngjesin e sotëm shumë prej tyre kanë populluar rrugët kryesisht për të kryer disa shërbime të nevojshme, por pa respektuar distancën e sigurisë. Shumë prej qytetarëve nuk kanë as masat mbrojtëse si maska apo doreza.
Fieri ashtu si Vlora është një nga ata qytetet problematike në momentin kur lejohet lëvizja e lirë e qytetarëve. Radhë e qytetarëve dallohet në njësitë tregtare të frutave parimeve, por edhe të bankat pavarësisht se disa prej tyre përpiqen të ruajnë distancën e sigurisë. Edhe rrugët duken të populluara ku shumë prej tyre duket se më shumë kanë dalë xhiro se sa për të blerë ushqime apo për të kryer ndonjë nevojë.
Vlora ditët e fundit ka qenë një qytet model që respekton afatit e kufizimit të lëvizjes, në bazë të orarit të përcaktuar nga autoritetet, por problemi i qytetit bregdetar qëndron gjatë periudhës kur lejohet lëvizja e lirë. Edhe sot qytetarët gjatë kohës që kanë dalë për të kryer shërbimet e tyre nuk kanë respektuar masën e sigurisë si dhe kanë qenë të pambrojtur. Nuk mungojnë qytetarët që nuk kanë asnjë masë mbrojtëse.
Temperatura të ulëta dhe dëborë janë regjitruar mëngjesin e sotëm edhe nbë qytetin e Shkodrës. Kjo gjë ka bërë që të ketë më pak lëvizje në qytet, por ka dhe anën negative pasi në radhën përpara një prej banke nuk po respektohet distance në tentativë për t’u futur poshtë një strehe për t’iu shmangur dëborës.
Radhë kilometrike e automjeteve është krijuar në autostradën Tiranë- Durrës, pranë tregut agro-ushqimor, prej orës 05:00 të mëngjesit kur nis edhe lejimi i qarkullimit të automjeteve dhe këmbësorëve.
Për shkak të shkurtimit të afatit që u lejohet tregjeve të pakicës të operojnë, tek ai i shumicës është krijuar një kaos total, një radhë e madhe të tregtarëve që presin të furnizohen me frut –perime. Report Tv sjell pamje me dron nga tregu monopol i shumicës në kryeqytet, që sjell grumbullime të mëdha njerëzish në çdo periudhë të vitit, por në ditët e sotme ai është shndërruar në një rrezik serioz për përhapjen e koronavirusit, duke qenë se nuk respektohet asnjë masë mbrojtëse.
Tregjet janë shndërruar në një nga pikat më problematike sa i përket respektimit të distancës. Teksa në supermarkete, furra buke apo banka, biznese këto që qëndrojnë të hapura edhe në këtë kohë koronavirusi, respektohet distanca, në tregje aspak. Njerëz të papajisur me mjete mbrojtëse si maska apo doreza, por mbi të gjitha as nuk ruhet distanca, për këtë arsye herë pas herë është dashur ndërhyrja e policisë dhe ushtrisë për të këshilluar qytetarët .
Pamje me dron nga tregu ushqimor i shumicës
Komente
Lajme të tjera
-
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Liga e Kombeve/ Ndeshja ndaj Shqipërisë të martën, tekniku ukrainas Rebrov: Po përgatitemi për takimin e rëndësishëm
17 Nëntor, 22:30 -
Rraklli në Report TV për ndeshjen me Çekinë: Të kalojmë të parët në avantazh dhe të vrasim ndeshjen! Ata luajnë për barazim, Silvinjon e këshilloj që...
15 Nëntor, 19:52 -
Trump emëroi Marco Rubio në krye të diplomacisë, Hasani bën reagimin e parë nga Shqipëria: Mirëpresim të forcojmë më tej lidhjet midis dy vendeve!
14 Nëntor, 11:44 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Korçë/ Ambasadorët e Gjermanisë dhe Francës për arrestimet e fundit: Mbështesim punën e SPAK dhe integrimin e Shqipërisë
11 Nëntor, 13:05
-
Marrëveshja e emigrantëve Itali-Shqipëri, Meloni: BE interesim të jashtëzakonshëm për paktin me Ramën! Mora solidaritet nga partnerët në Bruksel
8 Nëntor, 18:26 -
Spiropali në Letoni/ Takohet me homologen Daiga Mierina: Intensifikojmë bashkëpunimin parlamentar! Të dy vendet partnere në NATO
23 Tetor, 15:37 -
Komisioni Evropian miraton planin e rritjes, BE nis së shpejti pagesat! 6 miliard euro për Ballkanin Perëndimor
23 Tetor, 15:26 -
Hapja e grup-kapitujve/ Komisioneri Varhelyi: Mbështetje Shqipërisë në përshpejtimin e reformave, anëtar të BE deri në fund të mandatit të ardhshëm (VIDEO)
21 Tetor, 12:44
O kafshe o ndyresira ju merrni vesh vetem me dajak a e shikoni se c po ngjet ne Itali Spanje etj ku po vdesin nga 700 800 vete ne dite nga koronavirusi?
Përgjigjuzoti Topi permbahuni i nderuar. Jane thjesht nehadertal te vonuar!