Dita e dytë e protestës së punonjëseve të fasonerisë në Devoll, kërkohet kthimi në punë i kryetares së sindikatës! Inspektoriati i Punës pezullon aktivitetin e subjektit

Protesta e punonjëseve të fasonerisë në Devoll ka hyrë në ditën e dytë. Pas takimit me inspektoriatin e punës në ditën e parë të protestës u arrit një marrveshje për të marrë edhe pjesën e mbetur nga rroga që iu ishte shkurtuar.

Por gratë kanë vendosur të dalin sërish në protestë këtë herë në mbështetje të Mirjeta Mullës e cila është kryetarja e Sindikatës së Fasonerive në Devoll, e cila është pushuar nga puna. 

Përveç kësaj, punonjëset kanë protestuar edhe për kushtet e punës. Ndërkohë inspektoriati i punës ka marrë vendimin për pezullimin e subjektit deri në njoftim të dytë. 

Në prononcimin për mediat, përfaqësuesi i Inspektoriatit të Punës, Eglivel Laloshi tha se pezullimi i aktivitetit të subjektit ishte bërë për arsye se punëdhënesit nuk kishin respektuar të drejtën e punonjësve për t’u organizuar në mënyrë të lirë.

“Sot po ju them se ndaj subjektit është marrë një masë urgjente me pezullim të aktivitetit sepse subjekti ka penguar organizimin e sindikatës së punëmarrësve. Është e drejta e tyre. Sipas ligjit punëdhëniesi në mënyrë absolute nuk mund të pengojë organizimin e lirë të punëmarrësve. Pezullimi do të jetë në fuqi deri në momentin që punëmarrësit do jenë të lirë dhe do të kenë një zgjidhje të problemit”- u shpreh Eglivel Laloshi, përfaqësues i Inspektoriatit të Punës.  

Kujtojmë se nuk është hera e parë që kjo fasoneri përballet me protestën e punonjësve. Vitin e kaluar disa gra u ngritën herë pas here në protesë për kushtet e punës dhe pagën minimale që marrin.  

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shembja e urës në Baltimora, gjenden dy trupa të pajetë

Shembja e urës në Baltimora, gjenden dy trupa të pajetë