POP 5

Lajmet më të lexuara të 5 minutave të fundit

Kronikë

Dita e gjashtë e vaksinimit për COVID/ Koordinatorja: Procesi do vijojë dhe gjatë fundjavës

Gjatë gjashtë ditëve të para të vaksinimit, në vendin tonë janë vaksinuar 369 mjekë, infermierë e personel shëndetësor. Koordinatorja e vaksinimit, Manjola Shtylla për Report Tv shprehet se ky proces do vijojë pa ndërprerje dhe gjatë fundjavës. Ajo tha se në stadiumin 'Air Albania' janë 8 postacione ku kryhen mbi 50 vaksina në ditë.

Sot shënohet dita e gjashtë që prej fillimit të procesit të vaksinimit COVID në vendin tonë. Deri më tani janë vaksinuar 369 mjekë, infermierë dhe personel shëndetësor të 4 spitaleve COVID.

Manjola Shtylla, koordinatore për vaksinimin ka shpjeguar për Report Tv procesin i cili do të vijojë dhe gjatë fundjavave pa ndërprerje.

Ajo u shpreh se aktualisht në stadiumin 'Air Albania' janë 8 postacione ku bëhen mbi 50 vaksina në ditë. Gjithashtu koordinatorja shpjegoi dhe rrugën e transportimit të vaksinës në stadium.

Vaksina e cila ruhet në ISHP në frigoriferë me temperaturë - 80 gradë celsius, transportohet drejt stadiumit e shoqëruar nga forca policie. Aty, vaksina mbahet në frigoriferë të vegjël në temperaturën 2-8 gradë celsius për disa orë.

"Deri tani janë vaksinuar mbi 300 persona të spitaleve COVID. Edhe sot vijon procesi i vaksinimit, do vijojë edhe ditën e dielë. Vaksinohen mbi 50 persona në ditë vaksinohen. Vaksina vjen nga ISHP e shoqëruar nga forcat e policisë, atje ruhet në temperaturën minus 80 gradë, në stadium ruhet në 2-8 gradë" - tha Shtylla.

Koordinatorja e vaksinimit u shpreh se me një flakon kryhen 6 doza. Ajo shprehet se personat të cilët vaksinohen, monitorohen më tej nëpërmjet mjekut të familjes nëse shfaq shqetësime ose jo deri në kryerjen e dozës së vaksinës 21 ditë më pas.

Procesi i vaksinimit në Shqipëri filloi më 11 janar me anë të 975 dozave të para Pfizer. Kryeministri Rama u shpreh se këto doza ishin dhuratë nga një vend mik i Shqipërisë. Ndërkohë në javën e tretë të këtij muaji pritet mbërritja e 10.700 dozave të tjera nga Pfizer nga 500.000 të siguruara nga qeveria shqiptare.

E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gëzimi: 16/01/2021 16:39

    Është turp të quhet sukses me 50-60 të vaksinuar në ditë. I bie që me këtë numër vaksinimesh 2 milion banorë të vaksinohen në 91 vite.

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Scholz: Lufta në Ukrainë mund të zgjasë disa vite

Scholz: Lufta në Ukrainë mund të zgjasë disa vite

19 Prill, 22:19