POP 5

Lajmet më të lexuara të 5 minutave të fundit

Shëndeti

Dita e luftës kundër SIDA, 775 raste
në Shqipëri, mes tyre 5 janë fëmijë

75 raste me HIV/AIDS numërohen për vitin 2014 në vendin tonë, duke shënuar një rënie të numrit të të infektuarve në krahasim me vitin 2013 ku numri ishte 124. Në ditën botërore kundër HIV/AIDS, në kryeqytet janë organizuar disa aktivitete sensibilizuese për qytetarët. VIDEO
 Kinë, për 9 muaj 154.000 të vdekur nga AIDS
TIRANE - Në ditën botërore të luftës kundër HIV/AIDS raportohet nga Instituti i Shëndetit Publik se numri të prekurve në vendin tonë ka rënë ndjeshëm krahasuar me një vit më parë. Kështu viti 2013 ka numëruar 124 raste, ndërsa për vitin 2014 numërohen 75 raste të reja prej të cilëve 5 janë fëmijë. Totali i të prekurve me HIV/AIDS në Shqipëri ka shkuar në 775, ku sipas specialistes së ASHR, Vasilika Sulçe, pjesa më e madhe e tyre janë meshkuj.
 
Me qindra të rinj të organizuar nga Kryqi i kuq kanë bërë sensibilizim të qytetarëve nëpërmjet një marshimi nga “Pallati i Kongreseve” tek sheshi “Nënë Tereza”. Gjatë aktivitetit janë shpërndarë broshura informuese, fjongo të kuqe dhe kondom.
 
Tek “Piramida” dhe tek parku “Rinia” gjithashtu janë vendosur çadra për të bërë sensibilizimin e qytetarëve. Sipas raportimeve grupmoshat më të prekura janë 25 deri në 45 vjeç. Ndërkohë që rasti i parë i raportuar me HIV/AIDS në Shqipëri daton në vitin 1993, por lajmi i mirë për të gjithë është se me trajtime dhe mjekime ky person ka arritur që të përballet me virusin deri më sot.
 

sida


sida
 

1 Dhjetori, dita botërore e luftës kundër HIV/AIDS
Data 1 dhjetor përkon me ditën ndërkombëtare për mbrotjen kundër sëmundjes vdekjeprurëse të  shekullit HIV/AIDS. "Ky vit ka rënie të rasteve të të prekurve nga HIV/AIDS  krahasuar me një vit më parë që ka qenë 124 këtë vit ka rënë në 75,”-është shprehur Vasilika Sulçe specialiste e shëndetit në ASHR.

Sipas statistikave të një viti më parë në vendin tonë është rritur numri i të prekurve duke shënuar edhe vitin me më tepër të prekur.

Sipas raporteve tregohet se grupmosha më e prekur është  nga 25 deri ne 45 vjec, 8.9% të rasteve që rezultojne të prekur nga HIV/AIDS t'i përkasin moshave nga 16 deri në 24 vjeç.  

Vitet e fundit ndërgjegjësimi dhe infomacioni për këtë sëmundje është rritur duke kryer aktivitete të shumta, sidomos në shkollat e mesme.

Prej 20 vjetësh nga '93 kur në vendin tonë u zbulua edhe rasti i parë me virusin HIV në Shqipëri janë rreth 775 persona të diagnostikuar, ndërsa 118 persona kanë humbur jetën.

sida

sida


Çfarë është HIV/AIDS?
HIV/AIDS është një virus i cili sulmon sistemin imunitar, sistemin natyral të mbrojtjes së trupit.

Pa një sistem të fortë imuniteti trupi gjen vështirësi në luftimin e sëmundjeve të ndryshme.

Ky virus dhe ky infeksion i krijuar quhet ndryshe HIV. 1 dhjetori është Dita Botërore kundër Sidës.

E vendosur në vitin 1988, Dita Botërore kundër SIDA-s është një rast për të përkujtuar njerëzit që kanë humbur jetën nga kjo sëmundje. 

Redaksia Online
(xh.k/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

11 Janar, 13:37