POP 5

Lajmet më të lexuara të 5 minutave të fundit

Sociale

Dita e Rinisë në Kukësin e prekur nga emigrimi masiv, Demalija: Të rinjtë nuk e shohin të ardhmen në Kukës

Kukësi është qyteti më i prekur në vend nga emigrimi i të rinjve. Jo vetëm ata që kanë përfunduar shkollën, por edhe nxënësit e gjimnazit e shohin të ardhmen jashtë vendit.

Tridhjetë e tre vite pas marshimit të studentëve të Dhjetorit, Dita e Rinisë e gjen qytetin e Kukësit me më pak të rinj.

Kjo për shkak të fenomenit gjithnjë e në rritje, të emigrimit. 

Rifat Demalija, ish-dhjetorist, aktualisht drejtues i “Qendra për Progres Rinor”, thotë se pas 33 vitesh Kukësi gjendet në ditët e tij më të vështira.

“Ndoshta më shumë se 50 për qind e djemve por dhe vajzave kanë dëshirë të largohen nga Kukësi”,- është shprehur Demalija.

Demialija thotë se edhe ata pak të rinj që kanë mbetur në qytetin dhe fshatrat e Kukësit kanë synim për t’u larguar.

“Emigrimi është situatë dramatike edhe pse nuk ka shifra të sakta mbi numrin e të larguarve. Të rinjtë e lënë shkollën e mesme në mes për të ikur dhe nuk ndjekim arsimin e lartë sepse duan të gjejnë mundësi të largohen nga vendi”, u shpreh më tej Demalija.

Emigrimi masiv i të rinjve nga Kukësi ka nisur që në vitin 2014, ndërsa vitet e fundit largimet janë bërë akoma më ndjeshme. aq sa edhe qeveria britanike ka nisur një projekt konkret në bashkinë e Kukësit. për të inkurajuar të rinjtë të mos largohen, që sipas Demalisë nuk është zgjidhje.

“Edhe disa programe që po zhvillohen nuk kanë ide innovative për zhvillimin e punësimit në Kukës”,- shton ai.

Nga të dhënat e gjendjes civile, Kukësi ka një popullsi prej 49 mijë banorësh, prej të cilëve 25 mijë jetojnë në qytet.

Ndërsa sipas INSTAT, Kukësi është bashkia më e varfër në vend, me standardin më të ulët të jetesës.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29