POP 5

Lajmet më të lexuara të 5 minutave të fundit

Kronikë

"Dita e Shtegtarëve" mbrëmje festive në sheshin e Lezhës

15 gushti në Lezhë i është përkushtuar emigrantëve, dhe ajo sot njihet si Dita e Shtegtarit. Kjo festë e kthyer në traditë organizohet nga Bashkia në nderim dhe respekt të të gjithë emigrantëve në Lezhë, të cilët morën rrugën e kurbetit për një jetë më të mirë. Edhe këtë mbrëmje sheshi i qytetit u mbush me njerëz kurse në skenë u ngjitën emrat me të mirë të muzikës shqiptare

Me qindra qytetarë u mblodhën mbrëmjen e së dielës në sheshin Gjergj Kastrioti në Lezhë.

Është kremtuar "Dita e Shtegtareve", një festë e kthyer në traditë çdo 15 gusht, e cila ju kushtohet emigranteve të këtij rajoni që jetojnë dhe punojnë jashtë vendit.

Emigrantë që po kalojnë pushimet në vendlindje, qytetarë e turistë të shumtë u bënë pjesë e festes në sheshin "Gjergj Kastrioti", e cila u gjallërua si asnjëherë më parë.

Kryebashkiaku i Lezhës Pjerin Ndreu foli për transformimin e Lezhës falë investimeve që po kryhen, ndërsa prefekti Gjok Jaku vlerësoi mundin dhe sakrificën e emigranteve.

'Zhvillimi i Lezhës ka filluar vrullshëm dhe çdo herë që do të vini në Lezhë do të shikoni një Lezhë akoma më të mirë dhe akoma më të bukur. Bashkia e Lezhës, qeveria shqiptare do ta bëjmë Lezhën një nga qytete më të bukura në Shqipëri.’- tha kryetari i bashkisë Lezhë, Pjerin Ndreu.

‘Vazhdoi dhe u kthye në një traditë që sot frekuentohet kaq shumë dhe që duhet kaq shumë, dhe jo thjesht si një homazh për ju por edhe si kujtesë për ne për kujdesin e shtuar që duhet të tregojmë ndaj emigrantëve.’- tha prefekti i qarkut Lezhë, Gjok Jaku.

Emigrantet pjesëmarrës vlerësuan maksimalisht organizimin dhe vëmendjen që po tregohet ndaj tyre, ndërsa thonë se pandemia i kishte penguar që të vinin për një kohë të gjatë në Shqipëri.

‘Është një ndjenjë e papërshkrueshme unë sot jam kthyer pas dy vitesh se kisha kohë pa ardhur. Kisha 3 vite pa ardhur dhe isha shumë i emocionuar. Po kalojmë shumë mirë!’- thanë emigrantët.

Emigrantet me histori suksesi u vlerësuan me certifikate mirënjohje nga Bashkia Lezhë, ndërsa festa zgjati deri në mesnate ku performoi dhe këngëtarja e njohur Aurela Gaçe.

M.Q./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43