POP 5

Lajmet më të lexuara të 5 minutave të fundit

Shëndeti

Dita e talasemisë, Banaj: Nevojat për gjak të mëdha, numri i dhuruesve i vogël

Në kuadër të ditës së talasemisë në disa qarqe të vendit është zhvilluar një aksion sensibilizues për të mbledhur gjak për nevojat që kanë talasemikët.

Në kuadër të ditës së talasemisë në disa qarqe të vendit është zhvilluar një aksion sensibilizues për të mbledhur gjak për nevojat që kanë talasemikët. Në gjithë Shqipërinë janë rreth 200 mijë mbartës të talasemisë, pjesa dërrmuese e këtyre pacientëve vihen përballë kushteve të vështira, pasi jetesa e tyre është e varur nga transfuzionet e gjakut, të cilat në të shumtën e rasteve shfaqen në mungesë. 

Por numri i madh i talasemikëve është në zonat e Lushnjes, Fierit, Elbasanit. Edhe pse jemi në vitin 2018 nevojat për gjak janë shumë të mëdha. Nuk janë të pakta rastet e alarmeve të lëshuara nga Shoqata e Talasemikëve për vështirësitë e shfaqura në shëndetin e këtyre pacienetëve si rrjedhojë e mungesës së gjakut.

Pjesa më madhe e gjakut shpesh mblidhet me anë të aksioneve sensibilizuesa. Në Qarkun e Fierit janë mbi 200 të prekur nga talasemia, të cilët kërkojnë vazhdimisht gjak. Drejtori i bankës së Gjakut në Fier, Dashamir Banaj shprehet se:

Nevojat janë të mëdha, por numri i dhuruesve është shumë i vogël. Situata e gjakut në spitalet rajonale të Fierit nuk është nga më te mirat e mundshme, dhurimi vullnetar duhet bërë në çdo kohë, në çdo moment, pasi të sëmurët talasemikë në zonat rajonale të qytetit tonë kanë nevojë për sasi të konsiderueshme gjaku, pasi kërkesat janë shumë herë më të mëdha nga rezervat që ne sigurojmë.

Dashamir Banaj, Shefi i bankës së gjakut Fier

Por më problematike mbetet banka e gjakut të Lushnjes, e cila është edhe institucioni rajonal për furnizimin me gjak të pacientëve të Lushnjes, Beratit, Kuçovës, Fierit e Mallakastrës. Mjeku i kësaj qendre, Mehmet Xhindole shprehet se:

Situata ka ardhur duke u përmirësuar, por numri i kërkesave me të dhuruesve është shumë në disproporcion. Do fillojë vështirësia përsëri, do vazhdojmë të dhurojmë gjak, që të shpëtojmë një jetë.

Mehmet Xhindole, Mjek tek qendra e gjakut Lushnje

Gjatë gjithë kohës grupet e specializuara janë në terren për të mbledhur gjak, por situata vijon të mbetet akoma e ulët, pasi njerëzit akoma nuk janë koshient që dhurimi i gjakut tek disa persona është i mirëpritur, ndërsa për të tjerë është shumë i nevojshëm pranimi i tij.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça