POP 5

Lajmet më të lexuara të 5 minutave të fundit

Sociale

Dita ndërkombëtare e fëmijëve në situatë rruge, Manastirliu: Shërbime sociale për 251 fëmijë

Në kuadër të ditës ndërkombëtare të fëmijëve në situatë rruge, Ministria e Shëndetësisë dhe Mbrojtjes Sociale në bashkëpunim me rrjetin e qendrave për fëmijët në situatë rruge organizuan aktivitetin “UnëMbrojFëmijët”

Në kuadër të ditës ndërkombëtare të fëmijëve në situatë rruge, Ministria e Shëndetësisë dhe Mbrojtjes Sociale në bashkëpunim me rrjetin e qendrave për fëmijët në situatë rruge organizuan aktivitetin “UnëMbrojFëmijët” për të nxitur aksionet konkrete në mbrojtje të fëmijëve në situatë rrugë..

Vetëm në vitin 2017 janë 372 fëmijë janë identifikuar nga skuadrat e terrenit në situatë rrugë. Prej tyre 251 janë menaxhuar nga shërbimet sociale dhe janë përfshirë në programet tona të mbështetjes. Janë 208 fëmijë, të cilët për herë të parë u regjistruan në shkolla gjatë 2017, pasi për ne rruga e dijes dhe e edukimit është arma e duhur për ta bërë jetën më të mirë.

Ministrja, Ogerta Manastirliu

Në fjalën e saj Ministrja u ndal te modelet e krijuara nga disa bashki si Tirana, Durrësi, Elbasani etj, ku qendrat sociale komunitare dhe ato rezidenciale po ofrojnë programme ri-integrimi për familjet e fëmijëve në situatë rruge, të cilëve po u ofrohet kujdes shëndetësor, integrim I fëmijëve në shkolla dhe u është siguruar banesa nëpërmjet dhënies së bonusit të qerasë apo dhënies së banesave me kosto të ulët.

Duhet të punojmë të gjithë bashkë, për të ndërtuar modele të qëndrueshme të shërbimeve direkte për fëmijët dhe familjet në nevojë. Modele të tilla duhet të shtrihen në të gjitha bashkitë e vendit. Ndaj do doja të bëja një apel për të gjithë drejtuesit vendorë, organizatat partnere, të bashkojmë forcat për të ndërtuar modele të mira shërbimi të integruar në të gjitha bashkitë e vendit, për të siguruar shërbime për fëmijët në situatë rruge nga veriu në jug.

Ministrja, Ogerta Manastirliu

Agjencia e Mbrojtjes së Fëmijëve punon çdo ditë përmes punonjësve të mbrojtjes së fëmijëve në territori për të identifikuar nevojat dhe garantuar zgjidhje për fëmijët në situatë rruge.. Kështu, gjatë vitit të kaluar 43 fëmijëve I është ofruar shërbim në kushtet e emergjencës, në shërbimet 24 orë të ofruara në qendrat rezidenciale me kujdes maksimal nga strukturat e shërbimeve sociale të Ministrisë së Shëndetësisë dhe Mbrojtjes Sociale. Ndërsa 30 raste shfrytëzuesish të fëmijëve janë kallëzuar penalisht.

Në aktivitetin e organizuar me rastin e ditës ndërkombëtare të fëmijëve në situatë rruge, merrnin pjesë kryetari I Bashkisë së Tiranës, z. Veliaj, Ambasadori I Shteteve të Bashkuara të Amerikës, z. Lu, përfaqësues të lartë të Zyrës së Delegacionit Europian, OSBE, UNICEF dhe organizatave të tjera ndërkombëtare. Gjatë gjithë ditës u organizuan aktivitete argëtuese për 150 fëmijët e pranishëm, të cilët sot kanë dalë nga situate e vështirë ku ndodheshin dhe po trajtohen me shërbime të integruara në qendrat sociale në disa bashki të vendit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Alban Daci: Vota e shqiptarëve që jetojnë jashtë dhe politika si fenomen mosbesimi ndaj proceseve zgjedhore

Alban Daci: Vota e shqiptarëve që jetojnë jashtë dhe politika si fenomen mosbesimi ndaj proceseve zgjedhore

18 Dhjetor, 14:11 nga Alban Daci