11 shkurti shënon Ditën Ndërkombëtare të Grave dhe Vajzave në Shkencë duke promovuar pjesëmarrjen e tyre të barabartë në fushat e Shkencës, Teknologjisë, Inxhinierisë dhe Matematikës.

Nxënëset e gjimnazit “Dhaskal Todri” në Elbasan po përgatiten për Festivalin e Shkencës që zhvillohet për herë të parë në shkollat tona, bën me dije kryeministri Rama përmes një postimi në rrjetet sociale.

“Mirëmëngjes dhe në Ditën Ndërkombëtare të Grave dhe Vajzave në Shkencë, me shembullin frymëzues të nxënëseve të gjimnazit “Dhaskal Todri” që po përgatiten për Festivalin e Shkencës, një nismë e cila zhvillohet për herë të parë në shkollat tona, të mbështetura nga një tjetër grua e suksesshme në kërkimin dhe prodhimin e produkteve medicinale e kozmetike bio-organike, ju uroj një ditë të mbarë!”, shkruan kryeministri.

Nisma ka filluar në vitin 2015 nga Kombet e Bashkuara dhe vë në pah rolin e grave dhe vajzave në fushat shkencore me qëllimin për të frymëzuar dhe përmirësuar barazinë gjinore në ekosistemin shkencor.

P.J/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Shkurt, 10:30

    Haga kërkon dënimin me 180 vite burg për ish-krerët UÇK, si e vlerësoni?

Lajme të tjera