Është 77 vjeç dhe ka më shumë se 20 vite që vuan nga zemra. Por Hysen Spahiu është shembulli sesi kujdesi për vetën të mban në formë pavarësisht se mund të kesh vitet dhe sëmundjen kundër.
"Dashuria për veten më ka mbajtur në kontroll", thotë ai.
Hysenin e gjejmë duke matur tensionin në çadrat e vendosura nga Instituti i Shëndetit Publik në Ditën ndërkombëtare të zemrës. Për të qenë gjithmonë aktiv dhe në kontakt me njerëzit nuk i hubm asnjeherë aktivitete të tilla ndërgjegjësuese.
“Të këqijat e zemrës, dhe të mirat që dal takoj njerëz”, shprehet ai.
Aty na rrëfen sekretet e të qenit kaq sportiv.
“Kam 20 vjet që vuaj nga zemra dhe jam i mjekuar. Jam trajtuar me ilaçe për zemrë, aritminë. Kam marrje fryme në mbrëmje. Në të tre vaktet përdor mjekimin. Ushqimin hajmë mirë. Më gatuan ime shoqe. Eci dhe 4 km në ditë”, tha Hysen Spahiu.
Përballë shembullit frymëzues të Hysenit, rinia duket të jetë indiferente. Kardiologët thonë se vitet e fundit janë rritur të rinjtë me probleme kardiovaskulare.
“Ka filluar të ulet mosha e sëmundjeve kardiovaskulare dhe ndikojnë shumë faktorë. Stresi, duhani alkoli.. Trajtimi i tyre nuk bëhet në mënyrë të rregullt. Aktualisht kemi dhe 20 vjeçar me sëmundje të zemrës”, tha kardiologjia, Ëngjëllushe Hasani.
Sipas Institutit të Shëndetit Publik, sëmundjet kardiovaskulare në vendin tonë zënë vendin e parë për vdekshmëri.
“Kemi mbi 78 mijë persona me sëmundje kardiovaskulare. Nga këta rreth 36 mijë janë me sëmundje ishemike të zemrës. Ndërkohë që kemi rreth 260 mijë persona në total që vuajnë nga tensioni. Vdekshmëria ka ardhur në ulje pasi është kapur në kohë sëmundje. Grup-moshat kryesore që preken janë moshat e treta, mbi 60 vjeç. Meshkujt janë ata që preken më shumë. Gratë janë më të mbrojtura para menopauzës, por edhe për shkak të stilit të jetesës. Hipertensioni, diabeti, yndyrat në gjak”.
Dhimbje të kraharorit, shqetësime në zona të tjera të sipërme të trupit, djersë të ftohta, të përziera, janë disa nga shenjat paralajmëruese të atakut në zemër.
Lajme të tjera
-
Dita Botërore e zemrës, mjeku apel: Mos neglizhoni kontrollet, po preken moshat e reja! Ja çfarë duhet të keni kujdes
29 Shtator, 12:07 -
Ethet e Nilit/ 79 të infektuar, 11 humbje jete! ISHP: Mosha mbi 60 vjeç më e prekur
12 Shtator, 20:09 -
Virusi ‘Ethet e Nilit’, QSUT për Report Tv: Gjendja e 17 të infektuarve stabël! Në 24 orët e fundit s'ka raste të reja
6 Gusht, 15:11 -
‘Lufta’ ndaj insekteve, nis dezinsektimi në të gjithë vendin! Ankohet kryebashkiaku i Divjakës: Duhej nga ajri! ISHP: I konsultuar
8 Maj, 20:02
-
ISHP kryen për herë të parë analiza të thella gjenetike për viruset respiratore
29 Mars, 22:38 -
ISHP: 34 raste me fruth në Tiranë dhe Durrës, shumica prej tyre fëmijë të grupmoshës 5-9 vjeç
12 Mars, 16:00 -
Fruthi, burime nga ISHP: 13 mijë fëmijë deri në moshën 5 vjeç të pavaksinuar në Tiranë
7 Shkurt, 11:19 -
Specialisti i ISHP: Kanceri i gjirit dhe mushkërive më të përhapurit! Në rritje numri i meshkujve që preken nga tumoret
5 Shkurt, 14:44 -
Fruthi, 17 raste në vend! ISHP: Në rast nevoje, vaksinim edhe për fëmijët nën 1 vjeç
29 Janar, 15:22
-
Rriten rastet me fruth në Shqipëri, ISHP konfirmon 17 të infektuar
25 Janar, 16:33 -
Fruthi konfirmohet në Shqipëri, burime nga ISHP: 11 raste në Tiranë e Durrës
24 Janar, 11:56
-
Mbi 13 mijë të prekur nga gripi e virozat në javë! Ekspertët: Ka një trend në rritje, por jemi larg epidemisë! Ja simptomat
15 Janar, 16:23
