Ditën e sotme në Itali kanë arritur dozat e para të vaksinës anti-COVID, ja kush do të vaksinohen të parët

Ditën e sotme në Itali kanë arritur dozat e para të vaksinës anti-COVID, ja kush do të vaksinohen të parët

Foto nga furgoni me dozat e vaksinës

ITALI- Mëngjesin e sotëm furgoni me 9,750 dozat e para të vaksinave Pfizer kaloi qafën e Brenner dhe hyri në Itali i shoqëruar nga policia dhe karabinierët, siç kanë raportuar edhe mediat vendase.

Dozat e para të vaksinave do të qëndrojnë në spitalin Spallanzani të Romës, në të cilin janë ndërtuar të gjithë kushtet për të pritur vaksinën e më pas do të shpërndahet në pikat e caktuara më parë.

Vaksinimi i qytetarëve do të fillojë ma datë 27 dhjetor, si të gjitha shtetet evropiane dhe do të administrohen nga personeli mjekësor.

Grupet të cilat do të kenë prioritet për vaksinimin anti-COVID do të jenë fillimisht personeli mjekësor të cilët qëndrojnë edhe në vijën e parë në këtë “luftë të ashpër” me koronavirusin. Më pas do të vaksinohen punonjësit e shtëpive të të moshuarve, e grupi i fundit por jo më pak i rëndësishëm do të jenë të moshuarit mbi 80 vjeç të cilët janë edhe një kategori shumë e rrezikuar ndaj virusit.

Qeveria italiane për shkak të festave të fundvitit, ka miratuar masat të reja anti-COVID dhe aktualisht gjendet e gjitha në një zonë të kuqe. Italia është vendi i 8 në botë me numrin më të lartë të infektimeve dhe viktimave nga koronavirusi.

Pasi Agjencia Evropiane e Barnave ka autorizuar vaksinën Pfizer për në Evropë, më datë 6 janar pritet të mblidhet në kuadër të autorizimit të vaksinës Moderna.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Gazment, rrugës për në SPAK merr edhe këto letra me vete

Gazment, rrugës për në SPAK merr edhe këto letra me vete