TIRANË-Është shtyrë ditën e sotme seanca e parë për të shqyrtuar padinë e divorcit mes deputetes së PL Monika Kryemadhit dhe Ilir Metës, pasi Kryemadhi mungoi pa arsye.
Në këtë seancë ishte parashikuar nëse mes tyre do të kishte pajtim ose jo. Seanca e radhës u caktua më 11 prill pra 10:30. Edhe vetë Meta nuk ishte i pranishëm, por kishte lënë autorizim avokatin e tij, Genc Gjokutaj.
'Sot ishte seanca e pajtimit mes Monika Kryemadhit dhe Ilir Metës. Meta është në kushtet e izolimit dhe nuk u paraqit, por më autorizoi mua si mbrojtësin e tij, por seanca e pajtimit kërkon prezencën e të dy palëve. Zonja Kryemadhi kishte dijeni, por nuk u paraqit dhe seanca është shtyrë për më 11 prill në orën 10: 30', tha Gjokutaj.
Ilir Meta iu drejtua më 20 qershor 2024 gjykatës me një padi për zgjidhjen e martesës mbi 26 vjeçare nga e cila kishin dhe 3 fëmijë.
Kërkesa erdhi menjëherë pasi u mësua se SPAK kishte nisur hetim të thellë pasuror për të cilën në tetor Prokuroria e Posaçme firmosi dhe urdhër ekzekutimin e masës së sigurisë 'arrest me burg' ndaj presidentit të Partisë së Lirisë. Meta, i cili ka mbajtur dhe postin e ish presidentit të vendit, ish kryetarit të Parlamentit ndodhet i arrestuar prej 21 tetorit 2024 dhe bashkë me Monika Kryemadhi po hetohen nga SPAK për tre akuza pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA.
Pse Meta firmosi divorcin?
Në dokumentin e publikuar nga Shqiptarja.com në qershor 2024, Meta deklaronte si shkak u bënë mosdakordësinë në aspektin politik që kanë sjell edhe grindje të herë pas hershme.
'Vitet e fundit kam konstatuar fillimisht mosdakordësi dhe kontradikta që kanë ardhur duke u shtuar fillimisht për shkak të qëndrimeve dhe pikëpamjeve të ndryshme në lidhje me zhvillimet në aspektin politiko-përfaqësues dhe vendimmarrës, por që me kalimin e kohës ato u bënë prezente edhe në raportin tonë bashkëshortor, deri sa kohet e fundit këto mospërputhje qëndrimesh e mendimesh edhe ndaj njeri tjetrit kanë sjellë si pasojë grindje të herëpashershme duke tronditur thellë marrëdhënien tonë bashkëshortore".
Në dokument u zbulua se marrëdhënia e tyre ishte ndërprerë muaj më parë.
Komente
Lajme të tjera
-
Blushi uron Metën: Malet tona më të larta janë simboli i pathyeshmërisë tënde
24 Mars, 18:12 -
Edhe pse në proces divorci, Monika Kryemadhi uron Metën për ditëlindje: Dëshiroj që dhuratën më të bukur këtë vit ta marrësh më 11 maj! Vota për ty, mundësi ndryshimi për Shqipërinë
24 Mars, 09:52 -
FOTOLAJM/ Kryemadhi shfaqet me macen e Metës: Me Sashën, shoqe besnike që s’të le asnjëherë vetëm
21 Mars, 11:50 -
'Meta ia ka futur Berishës', gazetari Muça për Report Tv: Gjithë PD-së së Tiranës i shkon puna kot, vetëm për të nxjerrë Ilirin deputet
20 Mars, 22:25 -
Meta nis fushatën nga ‘313’: Partia e Lirisë në Tiranë të marrë 50 mijë vota sa në 2017! Kreu i PL në ‘delir’: Shqipëria Madhështore fiton 84 mandate
20 Mars, 15:49 -
Dash Sula u la jashtë listave, Shabani: S'u ra dakord të garojë tek e hapura! Kemi futur familjarët tanë fiktivisht që të dorëhiqen, beteja jonë me klasën e vjetër
20 Mars, 15:30 -
Gjykata e Lartë rrëzon Monika Kryemadhin, lë në fuqi sekuestron e vilës te Kodra e Diellit
20 Mars, 14:20 -
Sot ankohet se Meta është i burgosur politik, por ja çfarë thoshte Berisha 4 vite më parë për dosjen e tij (VIDEO)
20 Mars, 11:21 -
Ndarja nga jeta e babait të Thaçit, Meta: I pikëlluar, ngushëllimet më të ndjera
18 Mars, 16:50 -
Zgjedhjet/ Meta reagon nga qelia pas shortit të KQZ për fletën e votimit: Gara starton me numrin 1, ‘Aleanca Madhështore’ del e para edhe më 11 maj
18 Mars, 11:05 -
12 kandidatë të PD me dosje në SPAK, disa protestuan sot poshtë zyrës së Dumanit
17 Mars, 11:48 -
Flasin të ‘përjashtuarit’ e Berishës/ Tabaku: E meritoja një vend të sigurt, në PD asgjë s’mu fal! Sula: U shkel vota e primareve! Kryemadhi ‘dashuri’ politike: Do votoj Metën
13 Mars, 12:31
