POP 5

Lajmet më të lexuara të 5 minutave të fundit

Media

Dixhitalizimi/ AMA shtyn deri në 10 shtator mbylljen e transmetimeve analoge

AMA ka vendosur të shtyjë për në muajin shtator mbylljen e transmetimeve analoge. Vendimi vjen pas shqetësimit të operatorëve kombëtarë e lokalë se procesi në disa qytete ka shfaqur probleme për shkak të mosgarantimit të cilësisë nga RTSH.

Autoritetiti i Mediave Audiovizive, AMA ka vendosur të shtyjë deri më datën 10 shtator mbylljen e transmetimeve analoge në qarqet Tiranë e Durrës, pas kërkesave të disa operatorëve. Mbyllja e transmetimeve ishte përcaktuar në datën 31 korrik.

Ditën e djeshme AMA zhvilloi një takim mes operatorëve kombëtarë, rajonalë e lokalë, ku u ngrit shqetësimi se në qarqet Fier, Berat e Korçë ku procesi ka përfunduar janë shfaqur shumë probleme teknike, pasi RTSH nuk garanton cilësinë e transmetimit.

Njoftimi i plotë:

AMA shtyn deri më datë 10 shtator mbylljen e transmetimeve analoge në qarqet Tiranë e Durrës më kërkesë të operatorëve kombëtare, rajonalë e lokalë.

Në kuadër të përmbylljes së transmetimeve analoge në qarqet Tiranë e Durrës, Autoriteti i Mediave Audiovizive, AMA, realizoi disa takime me operatorët kombëtare, rajonalë e lokalë, ku në fokus ishte shqyrtimi i disa kërkesave të tyre për shtyrjen e datës së mbylljes së transmetimeve analoge, paracaktuar më 31.07.2018.

Operatorët kombëtare, të cilët prej vitesh kanë hedhur në treg pajisje marrëse (dekoder), kanë kërkuar shtyrje të afatit me një periudhë një mujore, për arsye se janë duke përshtatur këto pajisje që të përputhen me kërkesat e rregullores së renditjes së programeve, miratuar nga AMA.

Nga ana tjetër, Shoqata e Transmetuesve Radiotelevizive kabllorë – valorë, RRTL, e cila është përfaqësuese e subjekteve audiovizive rajonale e lokale, ka adresuar një sërë kërkesash që lidhen me vështirësitë e hasura në procesin e digjitalizimit të transmetimeve të tyre, ndër to dhe koha e pamjaftueshme në dispozicion për përfundimin e procesit në qarqet Tiranë e Durrës.

Këto kërkesa u adresuan nga RRTL dhe në takimin e posaçëm konsultativ që zhvilloi  Komisioni Parlamentar për Edukimin dhe Mjetet e Informimit Publik të datës 24.07.2018. Gjatë takimit kryesia e Komisionit, si dhe deputetë të pranishëm shprehën mirëkuptimin lidhur me shqetësimet e operatorëve lokale lidhur me procesin dhe rëndësinë që ka zgjidhja e tyre për mirëadministrimin e procesit të digjitalizimit.

Konkretisht në emër të Komisionit, u vendos që t’i dërgohet një letër AMA-s dhe RTSH, si dhe institucioneve të tjera përkatëse që mund të trajtojnë disa nga çështjet që u sollën në këtë tryezë, duke përfshirë dhe rishikimin e mundësisë e shtyrjes së datës së mbylljes së frekuencave analoge deri në fund të vitit.

Si rrjedhojë e zhvillimeve të lartpërmenduara së fundmi, AMA shtyn afatin e mbylljes së transmetimeve analoge në qarqet Tiranë e Durrës, deri në datën 10.09.2018.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51