Djali me proteza në këmbë
që ndihmon veteranët

SHBA - Cody McCasland është 11 vjec. Ai ka lindur me një sindrom të rrallë dhe kur ishte vetëm 15 muajsh, u detyruan t’i prisnin këmbët.

Ai pas disa vitesh makthi ka mundur të sfidojë sëmundjen dhe tashmë është tepër optimist dhe thotë se ushtron disa lloje sportesh si not, vrapim, hipizëm etj. Ai dëshiron të provojë gjëra të reja dhe thotë se: "Ëndrra ime është të marrë pjesë në lojërat paralimpike në Rio" .



Cody tanimë me buzëqeshjen e tij kuruese, ka qenë ilac edhe për shumë veteranë të cilët kanë të njëjta probleme si ai me këmbët.

Kevin MekKloski është një veteran i Afganistanit. Në makinën e tij shpërtheu një bombë dhe ai mbeti invalid dhe i pashpresë për jetën, deri në momentin që takoi Cody-n, i cili me shumë entuziazëm u prezantua me të, duke kërcyer me këmbët e tij proteza, si një mesazh për t’i thënë: Unë mund të kërcej, edhe ti gjithashtu. Kjo ishte shumë shpresëdhënëse për veteranin.



Ai pas kësaj eksperience ka vizituar qendra të tjera me veteranë, që kanë të njëjtin fat dhe i bën ata të ndjehen më mirë.

Ai dëshiron të bëhet një mjek, për të ndihmuar të tjerët të mos vuajnë.

Për ata që takojnë Cody-n, thonë se janë të habitur në fuqinë që ka mbi të tjerët, duke marrë parasysh moshën e tij.

(ad.ti/shqiptarja.com)