POP 5

Lajmet më të lexuara të 5 minutave të fundit

Kronikë

Djegia e 'Audit R8' në Vlorë, policia ngre dyshime se ngjarja ka lidhje me të dashurën

Makina luksoze është djegur qëllimisht nga një person i paidentifikuar. Policia ngreh dyshime të forta mbi ish-të dashurën me të cilën shqiptaro-maqedonasi, kishte pasur probleme.

Djegia e 'Audit R8' në Vlorë, policia ngre dyshime se ngjarja ka lidhje me të dashurën

Burim Zyberi, pronari i Audit R8 të djegur

Djegia e ”Audit R8” në Vlorë, i cili ditën e sotme u kthye në hitin e lajmeve të kronikës së qytetit bregdetar, duket se ka mbrapa një lidhje sentimentale të prishur. Policia e Vlorës, e cila ka nisur hetimet qysh prej orëve të para të mëngjesit ka administruar pamjet filmike, ku shfaqet një person i cili spërkat me benzinë automjetin luksoz dhe më pas i vendos flakën. E habitshme është fakti se në këtë ngjarje është djegur vetëm automjeti “Audi R8” në pronësi të shqiptaro-maqedonasit, Burim Zyberi.

Ndërsa mjeti tjetër luksoz ngjitur me makinën e djegur, një automjet “Porsche” ngjyrë e bardhë që rezulton të jetë në pronësi të vëllait të Burim Zyberit, nuk është dëmtuar fare. Grupi i hetimit pranë policisë së Vlorës, që po merret me këtë çështje thotë se ngjarja është e qëllimshme dhe se pista ku po e hetohet është se ngjarja dyshohet të jetë iniciuar nga ish-e dashura e Burim Zyberi.

Një lidhje sentimentale me një femër lidhje kjo që tashmë është prishur, thonë burimet policore, dyshohet se qëndron pas djegies së qëllimshme të automjetit luksoz. Burimet thanë se Burim Zyberi kishte vetëm pak ditë që kishte mbërritur në Vlorë dhe gjatë kësaj kohe, nuk ka pasur konflikte që mund të kenë sjellë shkatërimin e pronës së tij. Për këtë ngjarje në prokurorinë e Vlorës është regjistruar dhe një procedim penal për akuzën e “Shkatërimit të pronës” me zjarr.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tjetër hap fals, Barcelona barazon 2-2 në Vigo! Celta i shënon dy gola në fund

Tjetër hap fals, Barcelona barazon 2-2 në Vigo! Celta i shënon dy gola në fund

23 Nëntor, 22:59