Kryeministri Edi Rama ka reaguar duke publikuar pamje nga akti simbolik i protestuesve të opozitës, të cilët dogjën shilte dhe jastëkë të vendosur përpara godinës së Kryeministrisë, me nismën e Ramës si hapësirë për dialog me protestuesit.

Kryeministri e ka cilësuar Partinë Demokratike si “mëmën e dhunës”, duke e akuzuar se ka dalë për të marrë autorësinë e terrorit urban.

“Ja edhe mëma e dhunës, Partia Demokratike, që pasi dogji e shkatërroi me maskat e kinse ‘studentëve’ bashkë me ANTIFAN e me dhunuesit e tjerë të Tiranës, doli sot për të drejtën e autorit të terrorit urban…”, shkruan Rama.