Djegia e mandateve nga opozita/Spiropali-Berishës: E lehtë rruga e lënë rrugëve Sali

Ministraja e Marrëdhënieve për Parlamentin, Elisa Spiropali ka komentuar vendimin e marrë nga opozita e bashkuar për lënien e mandeteve të deputetëve.

Përmes një postimi në rrjetet sociale Spiropali shprehet se nuk mund të ndjehet kënaqësi për këtë dorëzim të një opozite e cila sipas saj pasi humbi zgjedhjet duke qenë në qeveri, humbi edhe debatin që i takonte ta bënte në Kuvend.

Teksa komenton firmosjen e lënies së mandatit të deputetit nga ish-kryeministri Sali Berisha dhe njëkohësisht lideri historik i PD-së , duke u larguar nga parlamenti shqiptar pas gati tre dekadash Spiropali shprehet se ndihet e pamundur të mos shprehë ndjesinë jo të keqe që i krijoi dorëzimi e bustit të shërbëtorit të Byrosë Politike.

Postimi i plotë i Elisa Spiropalit:

Asnjë kënaqësi për këtë dorëzim të një opozite që pasi humbi zgjedhjet duke qenë në qeveri, humbi edhe debatin në Kuvend - megjithëse mori më shumë minuta se sa shumica qeverisëse dhe paçka se lideri që s'u bë kurrë gëzoi të drejtën e të njëjtave minuta si kryeministri!

Por e pamundur ta fsheh sidoqoftë ndjesinë jo të keqe që më krijoi kjo fletë dorëzimi e bustit të shërbëtorit të Byrosë Politike, në këtë datë të shënuar bustesh të rrëzuara. Duke e parë këtë copë letër m'u kujtua i pavdekshmi Vaclav Havel: Komunisti më i zi është komunisti antikomunist!

E lehtë rruga e lënë rrugëve Sali!

 

TAG:
• elisa spiropali
• djegia e mandateve