Djegia e mbeturinave 'mbyt' Gramshin, kreu i Zjarrfikëses për Report Tv: Keqdashësit duhen ndëshkuar!

Pas Rrogozhinës, një tjetër qytet në Shqipëri është 'pushtuar' nga ndotja. Në qytetin e Gramshit, persona të papërgjegjshëm i kanë vendosur zjarrin vendgrumbullimit të mbetjeve, duke shkaktuar ndotje të dyfishtë.

Mbetjet e qytetit të Gramshit grumbullohen në një zonë me pisha, por për shkak të tejmbushjes herë pas herë i vendosin edhe zjarrin. Tymi i shkaktuar nga djegia e mbeturinave mbulon gjithë qytetin e Gramshit, duke rrezikuar jetën dhe shëndetin e qytetarëve.

Në një lidhje telefonike për Report TV, kreu i Zjarrfikësit në Gramsh, Ilir Llapushi tha se policia e shtetit është në ndjekje të autorëve, që ai i quajti keqdashës dhe duhet të ndëshkohen.

"Kjo është një pikë grumbullimi ku grumbullohen plehrat. Ka keqdashës që duan t'i vënë flakën. Pas tre ditësh, dje kemi arritur ta fikim zjarrin. Policia e shtetit është në kërkim të këtyre personave. Unë nuk di të them sepse është pjesë e kompetencës së policisë së shtetit. Normal që është në shkelje të ligjit dhe këta keqdashës duhen ndëshkuar dhe policia po përpiqet që ti kapë këta persona", tha Llapushaj për Report TV.

Një ditë më parë, Bashkia e Rrogozhinës u gjobit nga IKMT për mosmarrjen e masave për ndotjen.

/r.k./Shqiptarja.com
  • Sondazhi i ditës:

    Rritje pagash për mjekët, infermierët e mësuesit me 6% në vitin 2022, a është e mjaftueshme?

Komento


×

Lajmi i fundit

John

‘Java e gjuhës italiane’, Antonio Maggio koncert në Berat! Qëllim, promovimi i gjuhës dhe Kulturës së Italisë