Do fiken dritat pas orës 22:00? Balluku sqaron: Nuk do të ndërpresim energjinë! Nesër prezantojmë paketën dhe masat drastike që do të marrim

 

Zv.kryeministrja Belinda Balluku ka bërë me dije se Shqipëria nuk do të aplikojë masa për ndërprerje të energjisë elektrike pas orës 22:00. Ditën e nesërme, në orën 09:00 së bashku me kryeministrin Edi Rama do të prezantojnë paketën e energjisë në një kohë kur e gjithë bota përballet me krizën energjetike.

“Nuk më rezulton që të ketë masa për ndërprerje të energjisë pas orës 22:00 sepse do të ishte masë emergjence shumë e madhe. Nuk ndodh kjo. Pas orës 22:00 kërkohet ndërprerja e ndriçimit publik. Gjermania e ka aplikuar këtë dhe do të thoja që aplikimi i ndriçimit publik i njësive tregtare dhe gjithçkaje tjetër ndodh nga ora 4 pasdite deri në orën 10 të darkës. Vetëm ai interval lejohet të ketë drita të ndezura. Flasim për ambiente publike. Pas atij momenti fiken dritat deri të nesërmen në orën 4 pasdite.

E ka nisur Gjermania, por e aplikojnë edhe shtete të tjera. Është pjesë e paketës së kursimit të energjisë. Nesër me kryeministrin do të bëjmë prezantimin e paketës së energjisë përsa i përket edhe fashës 800 KWH që do të nisë nga 1 tetori dhe disa masa drastike që do të marrim në vazhdim”, tha Balluku.  


Lajmi kryesor:

Vendimi/ Balluku: Do konfiskohen ndërtimet pa leje, do shkojnë për përdorim publik! Hetim për institucionet, kompanitë abuzojnë nën hundën e tyre


A.M./r.k./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

‘Kopjon Luizin dhe Kiarën’, Sara Gjordeni e revoltuar pas akuzave: Gjëja më bajat, na keni lodh

‘Kopjon Luizin dhe Kiarën’, Sara Gjordeni e revoltuar pas akuzave: Gjëja më bajat, na keni lodh