Do krijohet Agjencia e Menaxhimit
të Bregdetit, përflitet Auron Tare

TIRANË - Qeveria Rama ka planifikuar krijimin sa më shpejt të Agjencisë së Menaxhimit të Bregdetit. Superstruktura që do të jetë në varësi të kryeministrit Edi Rama, do të merret jo vetëm me evidentimin e ndërtimeve pa leje në bregdet, por më së shumti, edhe me planet e detajuara për rregullimin e vijës bregdetare.

Shefi i qeverisë ka ideuar që përpara zgjedhjeve, por edhe më pas, që në këtë detyrë të emërojë sipas gjithë burimeve, Auron Taren. Megjithatë, burimet thonë se Tare është më shumë i dhënë pas çështjeve të trashëgimnisë dhe jo këto të bregdetit. Akoma nuk është përcaktuar me saktësi roli dhe funksioni i kësaj agjencie, por ndërkohë, ndër më kryesoret detyra që pritet të ketë në fokus, do të jenë ato që kanë të bëjnë me rregullimin e territorit dhe ndërhyrjet, aty ku do të jetë e mundur.

Shkrimi u publikua sot (25.09.2013) në gazetën Shqiptarja.com (print)


Redaksia Online
(a.ç/shqiptarja.com)