Investimi nga Turqia/ Mjetet e rënda gati për punë për ndërtimin e spitalit të Fierit

Po bëhet gati terreni për ndërtimin e Spitalit të Fierit, investim prej 60-70 milionë eurosh nga Turqia.

Mjetet e rënda janë pranë spitalit, ndërkohë ka nisur puna për ngritjen e shtyllave elektrike për furnizimin me energji.

Përfaqësuesi turk i paraqitur më parë në vendin ku do të bëhen punimet ka thënë se spitali do të kushtojë rrej 60-70 mln euro dhe do të punohet 24 orë në 24. Në kulmin e punimeve do të jenë 1000-1200 punonjës, nga të cilët 20-30% do të jetë shqiptarë.

Kujtojmë se fermerët, pronarë të tokave ku parashikohet të ndërtohet Spitali i ri i Fierit kanë protestuar për kompensimin.

Ndërtimi i spitalit rajonal të Fierit ishte një prej marrëveshjeve që u firmosën në Ankara gjatë vizitës dyditore që Kryeministri Rama zhvilloi në Turqi.

Be.K./r.k./Shqiptarja.com
  • Sondazhi i ditës:

    Shqipëria do vijojë të mbyllet në orën 20:00/ A ju duket i drejtë vendimi i ekspertëve për të mos ndryshuar masat anti-COVID?

Komento


×

Lajmi i fundit

John

Basha takim me sipërmarrësit në Durrës: Energjia në Shqipëri, në kolaps nga korrupsioni dhe monopolet