Në kulmin e krizës së çmimeve, ku karburanti është në pragun e 200 lekëve për litër, koncesionari i kontrollit të pompave Noa Control ka kërkuar rritje të tarifës për shërbimin që kryen. Kjo kërkesë po vlerësohet nga ministria e Financave, edhe pse në rast se miratimit, kostot për konsumatorët do të rriten në mënyrë të papërballueshme.
“Kemi një kontratë koncesionare që i jep të drejtën koncesionarit të kërkojë rishikim të tarifave nëse ka baza për të vlerësuar se kushtet kanë ndryshuar dhe tarifat duhen rishikuar. Koncesionare ka bërë një kërkesë, ministria e Financave dhe Ekonomisë në zbatim të kontratës, ka ngritur një pune që po vlerëson nëse jemi në kushtet e ndryshimit të tarifave dhe grupi teknik ende nuk ka dalë me një rezultat. Nuk ka asnjë nismë tonën, për ndryshimin apo dyfishimin e tarifave dhe grupi do dalë në një rezultat, me gjithë profesionalizmit pasi këto tarifa mund të kenë ndikim tek çmimi i karburanteve sidomos në këtë moment kur çmimet e karburanteve janë në nivelet më të larta historike”, tha ministrja e financave Delina Ibrahimaj në konferencë për shtyp.
Ministrja e Financave Delina Ibrahimaj nuk bëri të ditura argumentet e privatit për këtë kërkesë, dhe as shifrën se sa kërkohet rritja e tarifës. Aktualisht tarifa e kontrollit të pompave në pikat e karburanteve është 14,400 lekë me TVSH në vit për çdo pompë, pasi ndryshe nga sa ndodhte kur shërbimi ofrohej nga metrologjia që e bënte kontrollin një herë në vit, me marrjen e kompetencave nga privati, kontrolli bëhet dy herë në vit me nga 7200 lekë për çdo pompë. Në Shqipëri janë rreth 25 mijë pompa karburanti, dhe rritja e tarifës do të sillte shtim të kostove për qytetarët, me të paktën 3 milionë euro në vit.
Ministrja Ibrahimaj foli edhe për rritjen e çmimeve në përgjithësi për të cilat tha se pritet një stabilizim i çmimeve nga gjysma e dytë e vitit 2022.
“Pritshmëritë janë që në gjysmën e dytë të këtij viti çmimet të stabilizohen. Çmimi i naftës në vend është rritur nga mospërputhja në tregjet ndërkombëtare mes kërkesës së shtuar dhe ofertës së limituar. Çmimi i gazit u rrit me ardhjen e dimrit, gjë që solli dhe rritjen e çmimit të energjisë elektrike. Në vijim, të gjithë parashikimet ndërkombëtare, parashikojnë uljen graduale të çmimit të naftës dhe gazit, duke filluar nga 6-mujori i dytë i këtij viti”, tha ministrja.
Ibrahimaj tha gjithashtu se kanë mbetur edhe pak ditë dhe Ministria do të nisë kontrollet në terren në lidhje me informalitetin e pagave të punonjësve, ashtu siç ishte paralajmëruar më parë
“Në fund të këtij muaji nisin kontrollet në terren në lidhje me informalitetin e pagave. Kontrollet do të realizohen nga inspektorati i punës për të evidentuar shkeljet e mundshme” tha Ibrahimaj, duke nënvizuar se deri tani ka pasur një reflektim në këtë drejtim.
Ministrja tha se shifrat e ekonomisë janë shumë premtuese. Sipas saj Shqipëria ka pasur një rikthim ekonomik më të fortë se vendet e rajonit.
“Kjo ka qenë një politikë e ndërmarrë nga qeveria shqiptare për të dhënë efekt në rritjen ekonomike. Edhe janari i këtij viti ka të dhëna shumë premtuese. Të ardhurat e janarit janë rritur me 29% në krahasim me janarin e 2021. Kjo është një shenjë që konsumi vijon të rritet. Këto shifra që punësimi ka ardhur në rritje, por edhe formalizimi i ekonomisë ka ardhur në rritje. Dua të theksoj këtu reformat e qeverisë, duke u ndalur te reforma e fiskalizimit. Sipas të dhënave, 89% e biznesit të madh ka filluar procesin e fiskalizimit. Bizneset që kanë përfunduar procesin e fiskalizimit janë mbi 72 mijë. Sipas të dhënave, Shqipëria ka pasur një rritje ekonomike më të lartë se vendet e rajonit. Shqipëria ka pasur një rikthim ekonomik më të fortë krahasuar me të gjithë vendet e rajonit”, tha ndër të tjera Ibrahimaj.
Ministrja e Financave dhe Ekonomisë, Delina Ibrahimaj, gjatë një komunikimi me gazetarët tha se do të ulen në në tryezën e diskutimi me Shoqatën e Transportit, e cila ka paralajmëruar ndërprerje të shërbimit nga 1 Marsi, për shkak të rritjes së çmimit të naftës.
Ibrahimaj u shpreh se rritja e çmimit të naftës është tranzitore dhe jo e qëndrueshme, ministrja theksoi se mund të ketë dhe një vendimmarrje lidhur me kërkesat e Shoqatës së Transportit, duke qenë se sipas saj, ka qenë ndër sektorët më të goditur nga pandemia.
“Do t’i marrim në shqyrtim kërkesat e shoqatës së transportuesve. Ne mendojmë e besojmë se rritja e çmimeve do të jetë tranzitore, por jo e qëndrueshme. Nuk mund të ndërhyjmë në nisma për efekt të luhatjes së çmimeve, që kanë ndodhur dhe më parë e do të ndodhin dhe në të ardhmen. Për sektorë të veçantë mund të diskutojmë mbi efektet që këto sektorë kanë nga rritja e çmimeve. Patjetër që do të kemi tryeza konsultative me sektorin përkatës, për të diskutuar mbi ecurinë e tyre, mbase dhe për të marrë një vendimmarrje. Sektori i transportit ka qenë i goditur fort nga pandemia. Çmimet e transportit kanë reflektuar goditjen që sektori ka pasur. Ministria e Financave ka mbajtur një qëndrim mbështetës, e ka stimuluar sektorin, duke e nxitur në mënyrë që të mos vuajë pasojat e krizave. Ne presim që çmimet të jenë kalimtare dhe jo të qëndrueshme”, theksoi ministrja Ibrahimaj.
Komente
Lajme të tjera
-
Më shumë të ardhura sesa shpenzime! Suficiti për 11-mujorin arrin në 72 miliardë lekë
21 Dhjetor, 17:26 -
Elektroshtëpiaket, bulmeti e veshjet, produktet që blejmë më shtrenjtë se në Europë, sipas Eurostat
18 Dhjetor, 07:30 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Shpërblimi i pranverës sa i këtij fundviti? Vendimi merret këtë muaj, do jetë mbi 5 mijë lekë
11 Dhjetor, 15:32
-
Goditja e korrupsionit me tenderët, koncensionet dhe investimet strategjike! Çfarë thonë ekspertët e Komisionit të Posaçëm
10 Dhjetor, 20:53 -
‘Shkrihet’ Drejtoria, 2 ‘SH.A’ për Hekurudhën shqiptare! Transporti i pasagjerëve në duart e privatit, PD: Punonjësit po paguhen kot (VIDEO)
10 Dhjetor, 17:50
-
Rritja e çmimeve, ekspertja në Report Tv: Produktet bujqësore 11 herë më shtrenjtë se inflacioni! Po prodhojmë pak qumësht, rrushi është bërë luks
10 Dhjetor, 13:36 -
Borxhi publik i Shqipërisë më 2025 do arrijë në 14,5 miliardë euro! Në fillim të vitit pritet emetimi i Eurobondit prej 650 mln euro
9 Dhjetor, 17:56
-
Si do jetë gjendja financiare e familjeve në 2025-ën? Qeveria parashikon rënie papunësie, rroga më të larta dhe të ardhura për frymë mbi 10 mijë euro
7 Dhjetor, 17:50
-
Borxhi publik afatshkurtër ka rënë në nivelet më të ulëta historike
2 Dhjetor, 12:44 -
Borxhet e mbartura të Bashkive dhe Ministrive 10,5 mld lekë! Investime pa pasur fonde, Kavaja rekord, Tirana i përgjysmon për 9 muaj
1 Dhjetor, 18:35
Me thoni nje sherbim ne Republiken e Shqiperise qe nuk ka dhene ne konncension Edi Rama.Eshte krhyer ne modelin qeveri e Koncensioneve.Te na thote cfar oerfitimi ka shqiptari dhe buxheti i shtetit nga koncensionet ?Dy jane konkluziobet ,se parat i merr privati dhe buxheti merr te balukut ,pra perfitimi zero.Merr vota dhe mashtron shqiptaret.Me zi se Sala per koncensionet. Ka ncensionet rrisin birxhin publik dhe varferia rritet cdo dite.Keputni qafen se na shkaterruat ekonomikisht dhe psikologjia sht .Mjaft !
Përgjigju