POP 5

Lajmet më të lexuara të 5 minutave të fundit

Sport

'Do synojmë vendin e dytë', Cikalleshi për kualifikueset e Botërorit! Ajeti: Më kishte munguar Kombëtarja (VIDEO)

Në prag të ndeshjes me Andorën sulmuesi i kombëtares Sokol Cikalleshi shprehet se duhet të kemi kujdes ndaj një kundërshtari të tillë, që gjithmonë i ka hapur punë kuqezinjve. Sipas Cikalleshit kombëtarja në përfundim të eliminatoreve do të tentojë vendin e dytë.

Kombëtarja është sot në ditën e dytë të grumbullimit të saj në Barcelonë të Spanjës ku me ekipin janë bashkuar të gjithë lojtarët. Kuqezinjtë po zhvillojnë përgatitjet për tre ndeshjet e para eliminatore të Botërorit ku e para është me Andorën në datë 25. Në prag të të takimit kanë folur dy futbollistë kuqezinj, me Cikalleshin, i cili është shprehur se Andora është thikë me dy presa.

“Objektivi ynë i radhës, është si në aspektin personal dhe për ekipin, që ta nisim me këmbën e parë. Objektivi është të marrim një rezultat pozitiv në ndeshjen e parë. Është një ndeshje që duhet të vlerësohet shumë. Është një ekip më i dobët se ne, por nga historia, kemi pasur shumë situata që kemi pasur vështirësi,”-u shpreh Cikalleshi. 

Më tej Cikalleshi foli për objektivin përfundimtar të kësaj fushate kualifikuese të Botërorit për të cilat deklaroi se do synohet vendi i dytë.

“Ne do të synojmë maksimumin, por duke parë Anglinë, ajo që na mbetet ne është që të shfaqim gjithçka në fushë. Ne do të provojmë gjithçka për 2 vendet e para, por edhe po të lëmë pas Hungarinë do jetë gjithashtu një hap i rëndësishëm,”-tha ai.

Ndërkohë pas shumë kohësh është rikthyer në kombëtare mbrojtësi i Reggiana-s Arlind Ajeti, i cili është shprehur se i kishte munguar mjaft grumbullimi me kuqezinjtë.

“Më ka munguar Kombëtarja. Në Serinë B, jemi të gjithë lojtarët që kemi luajtur rregullisht. Kemi besim se do dalim mirë në ndeshjen e ardhshme. Mua më duket se ka kaluar një kohë e gjatë që nuk luaj për Kombëtaren. Jam shumë i lumtur që jam rikthyer Kombëtarja ka qenë një grup i mirë, njëjtë si tani,”-u shpreh Ajeti.

 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentat në Vlorë, plagosen me kallashnikov dy persona, transportohen në spital

Atentat në Vlorë, plagosen me kallashnikov dy persona, transportohen në spital

18 Dhjetor, 21:50